ហេង សុទ្ធនិស្ស័យ Miss Earth កម្ពុជា រំលេចខ្លួនក្នុងឈុតរាត្រីសមោសរ ស្រស់ស្អាតខ្លាំង!
តាមរយៈទំព័រហ្វេសប៊ុក Team Cambodia បានបង្ហោះរូបភាពមួយចំនួនបង្ហាញពីសម្រស់របស់កញ្ញា ហេង សុទ្ធនិស្ស័យ បវរកញ្ញាផែនដីកម្ពុជា ប្រចាំឆ្នាំ ២០២០ ក្នុងឈុតរាត្រីសមោសរ ជាឈុតមួយដែលនាងត្រូវគ្រងសម្រាប់វគ្គប្រកួតផ្តាច់ព្រ័ត្រឆាប់ៗនេះក្នុងកម្មវិធី Miss Eartha 2020 ដែលធ្វើឡើងតាមរយៈប្រព័ន្ធអនឡាន ។
អ្វីដែលធ្វើឱ្យចាប់អារម្មណ៍នោះ នៅក្នុងឈុតរាត្រីសមោសរពណ៌មាសផ្លេកៗដែលកញ្ញា ហេង សុទ្ធនិស្ស័យ បានគ្រងនេះ យើងសង្កេតឃើញបវរកញ្ញារូបនេះបានរំលេចចេញនូវសម្រស់យ៉ាងស្រស់សោភា និង ទាក់ភ្នែកយ៉ាងខ្លាំង ធ្វើឱ្យមានការលើកសរសើរមិនដាច់ពីមាត់ ។ ជាមួយការគ្រងឈុតនេះដែរ កញ្ញា ហេង សុទ្ធនិស្ស័យ ក៏បានបង្ហាញចេញមួយនឹងកាយវិកាកាច់រាងប្រកបដោយភាពជឿងជាក់ និង ទាក់ទាញ គួរឱ្យចាប់អារម្មណ៍ទីបំផុត ។
គួរឱ្យដឹងដែរថា អស់មួយរយៈពេលមកនេះ កញ្ញា ហេង សុទ្ធនិស្ស័យ បានឆ្លងកាត់ការប្រកួតអស់ជាច្រើនវគ្គរួចមកតាមរយៈប្រព័ន្ធអនឡាញ ដោយក្នុងនោះកញ្ញាក៏បានធ្វើឱ្យមហាជនអ្នកគាំទ្ររំភើបខ្លាំង បន្ទាប់ពីទទួលបានមេដាយមាសមួយជូនកម្ពុជាក្នុងពេលធ្វើបទបង្ហាញលើប្រធានបទ «វិទ្យាសាស្ត្រដើម្បីធម្មជាតិមានផលប្រយោជន៍ចំពោះបរិស្ថាន» និង «ចំណុចសំខាន់នៃកសិកម្មនៅក្នុងប្រទេសតំបន់អឺរ៉ុប នាសម័យកាលរាតត្បាតសកល» ដែលកញ្ញាធ្វើបានយ៉ាងល្អគ្មានទាស់សោះ ៕
