តារាល្បីៗ បង្ហាញសម្រស់យ៉ាងទាក់ទាញ នៅក្នុងពិធីមង្គលការប្អូនស្រីលោក មុំ សុទ្ធារ៉ា កាលពីយប់មិញ!

នេះជាលើកដំបូង ដែលតារាសម្តែងស្រីប្រុសជាច្រើនបានបង្អួតសម្រស់ជុំគ្នា នៅក្នុងពិធីរៀបមង្គលការ ប្អូនស្រីរបស់តារាសម្តែងរូបសង្ហា មុំ សុទ្ធារ៉ា កាលពីថ្ងៃទី ២៦ ខែតុលា ឆ្នាំ២០២០ យប់មិញនេះ នៅបុរីវិមានពិភពថ្មីសែនសុខ។

ថ្វីដ្បិតមិនមែនជា ពិធីរៀបមង្គលការរបស់តារាសម្តែង មុំ សុទ្ធារ៉ា ក៏ពិតមែន តែគេសម្គាល់ឃើញតារាស្រីប្រុសជាច្រើន បានបង្ហាញវត្តមាននៅក្នុងពិធីនេះ ដែលមានដូចជា ថន លក្ខិណា ថន ដារ៉ា រចនា រ៉ាវ៉ាឌី នៅ សូនីតា ឌុច លីដា វ៉ាង ស្រីណូ ណាក់ ស្រីណា ពៅ លីដា ឌួង លីនដា ឆុំ វត្តី ប៊ីរីយ៉ា រួមនឹងតារាសម្តែងស្រីប្រុសជាច្រើនដួង។ ជាមួយនឹងការតុបតែងខ្លួនយ៉ាងស្រស់ស្អាត តារាជាច្រើនបាន បង្ហាញទឹកមុខរីករាយនៅក្នុងពិធីមង្គលនេះ បន្ទាប់ពីអាក់ខានការជួបជុំគ្នាជាច្រើនខែ។

គួរឱ្យដឹងថា លោក មុំ សុទ្ធារ៉ា គឺជាតារាសម្តែងដែលមានរូបរាងស្រស់សង្ហា និង មានប្រជាប្រិយភាពខ្ពស់មួយរូប បន្ទាប់ពីលោកលេចមុខក្នុងតំណែងតួឯក នៅក្នុងរឿងភាគជាច្រើន៕

រូបថត ៖ ហ្វេសប៊ុក