សើចគឹល! យាយអឿន យាយយ៉យ និង កាឆយ ប៉ះគ្នាច្រៀងបទ «ក្រមុំទាំងបី» ផ្អើលឆាកកម្មវិធីមួយ (វីដេអូ)

កាលពីថ្ងៃទី ២៧ ខែតុលា ឆ្នាំ ២០២០ កន្លងទៅនេះ លើទំព័រផេកហ្វេសប៊ុកតារាសម្តែងមានឈ្មោះល្បី និង ជាប្រធានសមាគមសិល្បករខ្មែរ អ្នកនាង ចន ច័ន្ទលក្ខិណា បានបង្ហោះវីដេអូមួយចូលក្នុងបណ្តាញសង្គម ដោយបានបង្ហាញពីសកម្មភាពច្រៀងលើឆាកនៃកម្មវិធីមួយរបស់តារាកំប្លែងជើងចាស់ ៣ រូប គឺយាយអឿន យាយយ៉យ និង អ្នកនាង កាឆយ ។

បទចម្រៀងដែលតារាកំប្លែងសម្បូរសំនួនវោហារចាក់ទឹកមិនលិចទាំង ៣ រូបនោះបកស្រាយមានចំណងជើងថា «ក្រមុំទាំង ៣» ។ តាមរយៈការចាប់ដៃគ្នាច្រៀងក្នុងបទនេះ តារាកំប្លែងទាំង ៣ រូប មានយាយអឿន យាយយ៉យ និង អ្នកនាង កាឆយ បានទទួលគាំទ្រយ៉ាងខ្លាំងពីភ្ញៀវកិត្តិយសដែលបានចូលរួមក្នុងកម្មវិធីនោះ អ្វីដែលចាប់អារម្មណ៍មិនត្រឹមតែបង្ហើរសំនៀងដ៏ពីរោះនោះទេ ប៉ុន្តែតារាកំប្លែងជើងចាស់របស់យើងទាំង ៣ រូប ក៏បានបញ្ចេញវោហារឌឺដងចម្អន់គ្នាលេង និង បញ្ចេញក្បាច់រាំយ៉ាងទាក់ទាញ ញ៉ាំងបរិយាកាសក្នុងកម្មវិធីឱ្យកាន់តែសប្បាយរីករាយថែមទៀតផង ។

ចង់ដឹងថា តារាកំប្លែងជើងចាស់ទាំង ៣ រូប ច្រៀង និង សម្តែងលើឆាកក្នុងបទចម្រៀង «ក្រមុំទាំង ៣» បង្កបរិយាកាសសប្បាយដល់ភ្ញៀវកិត្តិយសយ៉ាង? មកទស្សនាវីដេអូខាងក្រោមនេះ ៖