អ្នកគាំទ្ររំភើបចិត្តមិនស្ទើរ ក្រោយ CL លេចមុខក្នុង MV របស់ Christian Yu (វីដេអូ)
ជារឿងមួយគួរឲ្យភ្ញាក់ផ្អើល និង ធ្វើឲ្យអ្នកគាំទ្ររំភើបចិត្តយ៉ាងខ្លាំង ក្រោយ Queen of K-Pop « CL » បានលេចមុខនៅក្នុងបទចម្រៀងថ្មីរបស់តារាចម្រៀង Christian Yu ដែលមានចំណងជើងថា «So Beautiful» ។
មូលហេតុដែលធ្វើឲ្យមហាជនអ្នកគាំទ្ររបស់ CL រំភើបចិត្តយ៉ាងខ្លាំង ព្រោះតែកាលពីពេលកន្លងមក fan របស់ Idol ទាំង ២ រូបនេះ ធ្លាប់បានផ្គូរផ្គងពួកគេឲ្យមានទំនាក់ទំនងស្នេហានឹងគ្នាជារឿយៗ ហើយស្រាប់តែកាលពីថ្ងៃទី ២៥ ខែតុលា ឆ្នាំ ២០២០ កន្លងទៅ វត្តមានរបស់ CL ក៏ត្រូវបានបង្ហាញក្នុង MV របស់តារាចម្រៀងប្រុសរូបសង្ហានោះតែម្តង ។
ក្នុង MV «So Beautiful» នេះដែរ ទោះជា CL បង្ហាញមុខត្រឹមតែប៉ុន្មានវិនាទីប៉ុណ្ណោះ ប៉ុន្តែឈុតឆាករបស់នាង និង Christian ពិតជាមានភាពស្និទ្ធស្នាលយ៉ាងខ្លាំង ៕
