នាងតូច រាំផងច្រៀងផង បទ «ពឺតៗ» របស់ ខេមរៈ សិរីមន្ត កំពុងល្បីពេញហ្វេសប៊ុក (វីដេអូ)

នាងតូចវ័យក្មេង កំពុងត្រូវបានអ្នកប្រើប្រាស់បណ្ដាញសង្គមហ្វេសប៊ុកចាប់អារម្មណ៍យ៉ាងខ្លាំង បន្ទាប់ពីក្រុមគ្រួសារនាងតូចរូបនេះ បង្ហោះវីដេអូដែលនាងកំពុងច្រៀងតាមបទចម្រៀងទើបនឹងចេញថ្មីកំពុងល្បីរបស់កំពូលតារាចម្រៀង ខេមរៈ សិរីមន្ត ក្រោមចំណងជើងថា «ពឺតៗ» ព្រមទាំងមានកាយវិការរាំបណ្ដើរគ្រលែងចង្កេះតាមចង្វាក់ភ្លេងឡូយអស់ទាស់ ។

តាមការបង្ហោះរបស់ក្រុមគ្រួសាររបស់នាងតូចខាងលើមានគណនីហ្វេសប៊ុកឈ្មោះថា Oun Mom បានបង្ហោះវីដេអូនោះភ្លាម ធ្វើឱ្យអ្នកប្រើប្រាស់បណ្ដាញសង្គមមួយនេះ នាំគ្នាស៊ែរវីដេអូនោះតៗគ្នាព្រោងព្រាត ព្រោះតែកាយវិការ សម្ដីសំដៅរបស់នាងតូច ឃ្យូតគួរឱ្យក្នាញ់ខ្លាំងពេក សូម្បីតែកំពូលតារាចម្រៀង ខេរមៈ សិរីមន្ត ដែលជាម្ចាស់បទចម្រៀង «ពឺតៗ» នេះ ក៏បានលាន់មាត់សរសើរនាងតូចថា «ឆ្លាត ហើយក្លាហានទៀត គួរឱ្យស្រឡាញ់ណាស់ក្មួយស្រី» ។

សូមទស្សនាវីដេអូរាំ និង ច្រៀងបទ «ពឺតៗ» របស់នាងតូចខាងក្រោម ៖