ក្រោយមានកូន ចរិយា ពេជ្រ សម្ញែងភាពសិចស៊ីកាន់តែខ្លាំង

ចុងក្រោយនេះគេសង្កេតឃើញតារាសម្តែងរូបរាងតូចស្រឡូន ចរិយា ពេជ្រ បានបង្ហាញនូវសកម្មភាពថ្មីៗនៅក្នុងសិល្បៈក្រោយពីនាងបានផ្អាកពីការងារនេះមួយរយៈពេល ហើយអ្វីដែលចាប់អារម្មណ៍លេចមុខជាថ្មីអ្នកម្តាយកូនមួយរូបនេះ កាន់តែមានភាពសិចស៊ី និង ហា៊នខុសប្លែកពីមុន ។

មានកូនតូចជាប់ដៃក៏ពិតមែន តែមិនមានអ្វីជាឧបសគ្គក្នុងការតែងខ្លួនរបស់តារាសម្តែង ចរិយា ពេជ្រ នោះទេ ពោលគឺក្រោយបង្ហាញវត្តមានជាថ្មីមកតារាស្រីរូបនេះមិនខ្លាចនឹងបង្ហាញរូបភាពស្រស់ស្អាតសិចស៊ីនៅក្នុងឈុតប៊ីគីនីបង្ហាញដល់អ្នកគាំទ្រឡើយ ដែលតាមរយៈនេះបានធ្វើឱ្យមានការសរសើរគ្រប់មាត់ថា មានស្វាមី និង កូនទៅហើយ តែសម្រស់របស់តារាស្រីរូបនេះនៅតែស្អាតប្លែក ។

ពេលនេះដែរ ចរិយា ពេជ្រ បានប្រកាសថានឹងទទួលការងារសិល្បៈជាថ្មីឡើងវិញ ដោយក្នុងនោះគេសង្កេតឃើញថានាងត្រូវប៉ាន់ក្នុងការថតស្ប៉តសម្អាងការជាបន្តបន្ទាប់ ។ គេចាំបានថា ចរិយា ពេជ្រ បានបន្សាត់ខ្លួនចេញពីអាជីពសិល្បៈ ក្រោយពីនាងរៀបការជាមួយអណិកជនដែលរស់នៅសហរដ្ឋអាមេរិក ដោយពេលនេះនាងអះអាងថានឹងចេញទៅរស់នៅទីនោះ តែយ៉ាងណានាងមិនទាន់មានឱកាសបានទៅរស់នៅជួបជុំស្វាមីជាទីស្រឡាញ់ឡើយ ៕