CL ប្រាប់មូលហេតុ MV « 5STAR » មានឈុតផ្អែមល្ហែមនឹងតួប្រុសខ្លាំងបែបនេះ (វីដេអូ)
« 5STAR » MV ថ្មី របស់កំពូលតារាចម្រៀង Rap K-Pop «CL» បានចេញជាផ្លូវការហើយ នៅថ្ងៃទី ០៦ ខែវិច្ឆិកា ឆ្នាំ ២០២០ នេះ ។ MV ថ្មី នេះដែរ បានធ្វើឲ្យមហាជនអ្នកគាំទ្រ ពេញចិត្តយ៉ាងខ្លាំងទាំងបទចម្រៀង ព្រមទាំងការសម្តែងផងដែរ ។
ឈុតឆាកយ៉ាងផ្អែមល្ហែមជាច្រើន ដែល CL និង តួឯកប្រុសគឺតារាចម្រៀង Christian Yu បានធ្វើឲ្យអ្នកទស្សនាបានមើលហើយ ពិតជានៅមិនសុខនោះទេ ក៏ព្រោះតែអ្នកទាំងពីរពិតជាស្និទ្ធស្នាល ស័ក្ដិសមជាគូនឹងគ្នាណាស់ ។
យ៉ាងណាមិញ ទាក់ទងនឹងឈុតផ្អែមល្ហែមរបស់ CL និង តារាប្រុសស្រស់សង្ហានេះដែរ នាងក៏បានប្រាប់ឲ្យដឹងតាមការ Live ជាមួយ Sandara Park ក្នុងគណនី IG របស់នាងកាលពីយប់ថ្ងៃទី ០៥ ខែវិច្ឆិកា ឆ្នាំ ២០២០ ថា «បទ 5STAR នេះជាបទដំបូងហើយ ដែលនាងសម្តែងឈុតឆាកផ្អែមល្ហែមនេះ ក៏ព្រោះតែកំឡុងពេលកាលនាងនៅក្នុងក្រុម 2NE1 មិនដែលមានបទស្នេហាបែបនេះទេ គឺភាគច្រើនជាបទឈឺចាប់ ឬ លួចស្រលាញ់គេជាដើម ទើបបទថ្មីនេះនាងសាកសរសេរបែបផ្អែមល្ហែមវិញម្តង» ៕
