នេះជាមុខមាត់ពេញដ៏ស្រស់ស្អាត របស់គូស្នេហ៍តារាចម្រៀង ខេម

បើទោះបីតារាចម្រៀង ខេម ហាក់នៅលាក់បាំងមុខមាត់គូស្នេហ៍ និង បណ្តើរគ្នាជាចំហក៏ពិតមែន តែពេលនេះមុខមាត់គូស្នេហ៍របស់តារាចម្រៀងសំឡេងស្អករូបនេះត្រូវបានទម្លាយដោយតារាសម្តែង ឡោម លក្ខិណា ។

ថ្មីៗនេះតារាសម្តែង ឡោម លក្ខិណា បានបង្ហាញរូបភាពជាច្រើនសន្លឹកដោយនាងថតជាមួយនឹងនារីស្រស់ស្អាតម្នាក់ដែលមានឈ្មោះថា ស្រីកា ជាអនាគតភរិយារបស់តារាចម្រៀង ខេម ហើយក្នុងនោះ ឡោម លក្ខិណា បានភ្ជាប់ជាមួយនឹងសារខ្លីថា « អបអរសាទរ ស៊ីស ការ និង បងប្រុសខេម» ។ មានការសរសើរថាគូស្នេហ៍របស់លោក ខេម ពិតជាស្រស់ស្អាតស័ក្តិសមជាមួយនឹងលោក ហើយជូនពរឱ្យឆាប់មានដំណឹងល្អផងដែរ ។

ចុងក្រោយនេះគេសង្កេតឃើញថា តារាចម្រៀង ខេម កាន់តែមានភាពជោគជ័យខ្លាំង ជាពិសេសក្រោយពីលោកបានហក់ចូលក្នុងផលិតកម្ម Galaxy Navatra តែមួយរយៈខ្លីសោះមានបទចម្រៀងផ្ទាល់ខ្លួនជាច្រើន ដែលសុទ្ធសឹងជាបទចម្រៀងដែលទទួលបានការគាំទ្រពីសំណាក់អ្នកស្តាប់ ហើយថ្មីៗនេះលោកក៏ក្លាយជាថៅកែភោជនីយដ្ឋានថែមទៀត ។ បើទោះគូស្នេហ៍ជាអ្នករស់នៅប្រទេសបារំាងក៏ពិតមែន តែ ខេម មិនមានគម្រោងចាកចេញទៅរស់នៅទីនោះក្រោយរៀបការឡើយ ៕