ណូម័រ ក្តៅស្លឹកត្រចៀកតបភ្លាមៗទៅអ្នករិះគន់នាងថា ផុសរូបម្តងៗប្រើកម្មវិធីកែរូប (វីដេអូ)

រយៈពេលចុងក្រោយនេះ ទោះជាស្ពាយឈ្មោះជាម៉េម៉ាយក្តី តែពិធីការិនី ណូម័រ កាន់តែធ្វើឲ្យមហាជនអ្នកគាំទ្រ មានការចាប់អារម្មណ៍រូបនាងយ៉ាងខ្លាំង ក្រោយពីរូបរាង សម្រស់របស់នាង ហាក់ស្រស់ស្អាតប្លែកជាងមុនខ្លាំង ។

ជារឿយៗ តារាស្រីរូបនេះតែងបង្ហោះរូបភាព និង សកម្មភាពនានាក្នុងការថែទាំសម្រស់ និង រូបរាងរបស់នាង ដូចជាការហាត់ប្រាណ និង ការទៅថែទាំងនៅហាងកែសម្ឋស្សនានាជាច្រើនផងដែរ។

យ៉ាងណាមិញ កាលពីយប់ថ្ងៃទី ១០ ខែវិច្ឆិកា ឆ្នាំ ២០២០ នេះ តារាស្រីមាឌល្អិតរូបនេះ បានបង្ហោះវីដេអូមួយភ្លាមៗ ក្រោយពីមានអ្នកលើកឡើងថា «រូបភាពរបស់នាងដែលបានបង្ហោះសុទ្ធសឹងតែ ប្រើកម្មវិធីកែរូប»។

ណូម័រ បានបង្ហោះវីដេអូ និង ភ្ជាប់ជាមួយសារថា «ជូនសម្រាប់បងប្អូន ដែលថាអូនផុសរូបមុននឹង គឺទាញដៃទាញចង្កេះអោយតូច រួចទាញដើមទ្រូងទាញត្រគៀកអោយធំសោះ ! ជាពិសេសថាអូននឹង បិតប្រជ្រុយទៀត ។ ឱ លោកអើយ ខ្លាំងត្រង់ថាអូនដាក់ប្រជ្រុយនែក ! អ្នកណាចង់ បើប្រជ្រុយនឹងប្រជ្រុយដុះដល់ពីរ ហើយពណ៌ក្រហមទៀត ហ៊ឹម ឈប់បរិយាយទៀតហើយ សូមទស្សនាវិឌីអូនេះចុះ ថាទាញ ឬ មិនទាញ? ហើយបើមានកម្មវិធីកែទាញរាង តាមរយៈវិឌីអូ ជួយប្រាប់អូនផង (ចង់ប្រាប់ថា ទំរាំបានប៉ុណ្ណឹងពិតជាលំបាកណាស់) » ៕