លោក រ៉ាយុទ្ធ ដឹកដៃភរិយាសំណព្វ ថតឈុតបុរាណ សមសួនណាស់!

បើទោះបីជាមានកូនៗដល់ទៅពីរនាក់ក៏ពិតមែន តែថ្មីៗនេះអតីតតារាសម្តែង និង ម៉ូដែល អ៊ឹម សុគន្ធា និង ស្វាមីបានបង្អួតសម្រស់ក្នុងឈុតបុរាណយ៉ាងស្រស់ស្អាត បើមិនប្រាប់ស្មានតែជារូបភាព Pre Wedding របស់ពួកគេ ។ មានការសរសើរគ្រប់គ្នាថាមានកូនពីរនាក់ហើយ តែ អ៊ឹម សុគន្ធា នៅតែខ្ញង់មិនចាញ់ក្រមុំៗប៉ុន្មានឡើយ ។

បើគិតមកដល់ពេលនេះរយៈពេលប្រមាណជាង ១០ ឆ្នាំហើយ ដែលអតីតតារាសម្តែងរូបស្រស់ម្នាក់នេះបានចាកចេញពីការងារសិល្បៈ ក្រោយពីនាងបានរៀបការជាមួយអតីតតារាសម្តែងលោក គង់ រ៉ាយុទ្ធ និង បានចាកចេញទៅរស់នៅក្រៅប្រទេស តែថ្មីៗនេះ អ៊ឹម សុគន្ធា ក៏បានត្រលប់មកស្រុកខ្មែរវិញ។ ថ្មីៗនេះអតីតតារាសម្តែងរូបនេះបានចែករំលែករូបភាពដ៏ស្រស់ស្អាតជាច្រើនសន្លឹកជាមួយស្វាមីក្នុងឈុតបុរាណ មើលទៅពិតជាស្រស់ស្អាត ។

ថ្មីៗនេះអតីតគូស្វាមីភរិយាមួយគូនេះបានលេចមុខក្នុងការងារមនុស្សធម៌ ដោយបាននាំយកអំណោយទៅចែកជូនកុមារកំព្រាផងដែរ ។ អ៊ឹម សុគន្ធា មិនទាន់ច្បាស់ថាតើនាងនឹងវិលមកប្រឡូកក្នុងសិល្បៈវិញ ឬ បែបណាឡើយ ខណៈពេលនេះនាង និង ស្វាមីកំពុងមមាញឹកនៅក្នុងមុខជំនួញជាច្រើននោះ ៕

រូបថត ៖ ហ្វេសប៊ុក