ចូលរួមសោកស្តាយ! តារាចម្រៀងត្រកូល ណុប ទាំង ៣ ជួបទុក្ខធំ ជីដូនទទួលមរណភាពមុននេះ

ទើបតែបង្ហោះសារជូនពរលោកយាយរបស់លោកឲ្យឆ្លងផុតគ្រោះថ្នាក់ ស្រាប់តែនៅព្រឹកថ្ងៃទី ១២ ខែវិច្ឆិកា ឆ្នាំ ២០២០ នេះ តារាចម្រៀងប្រុស ណុប បាយ៉ារិទ្ធ និង ក្រុមគ្រួសារបានជួបទុក្ខ ដោយលោកយាយបានទទួលមរណភាពហើយ ។

ក្នុងនោះដែរ ទោះមិនបានបញ្ជាក់ពីមូលហេតុសុខភាពជម្ងឺរបស់លោកយាយដែលបានទទួលមរណភាពក្តី តែលោក ណុប បាយ៉ារិទ្ធ បានឲ្យដឹងថា លោកយាយរបស់លោក បានទទួលអនិច្ចកម្មហើយនៅជន្មាយុ ៩៥ ឆ្នាំ ។

មិនត្រឹមតែលោក ណុប បាយ៉ារិទ្ធ នោះទេ ដែលបានបង្ហាញក្តីអាឡោះអាល័យនៃការបាត់បង់លោកយាយជាទីស្រឡាញ់ ប្អូនប្រុសបង្កើតរបស់លោក នីកូ និង ប្អូនជីដូនមួយ កញ្ញា តាក់ម៉ា ក៏បានចូលរួមបង្ហោះសារ និង ប្តូររូបភាពកាន់ទុក្ខរបស់ខ្លួនដែរ ៕