ពេញចិត្តនឹងការតស៊ូក្មេងប្រុសនេះខ្លាំង ថៅកែពេជ្រ ទ្រី ដាណា ប្រកាសបែបនេះភ្លែត!

ក្មេងប្រុសមួយរូបកំពុងធ្វើឱ្យមហាជនរំជួលចិត្តខ្លាំង ក្រោយរូបគេបានពុះពារទៅប្រណាំងកង់ទាំងគ្មានសម្ភារអ្វីល្អៗដូចគេ ដោយគ្មានសូម្បីស្បែកជើង មួកក៏គ្មាន ឯកសណ្ឋានក៏គ្មាន ហើយអ្វីដលធ្វើឱ្យរំជួលចិត្តបំផុតនោះគឺរូបគេមានត្រឹមកង់ចាស់មួយទៅប្រកួតនឹងគេទាំងដឹងហើយថាលទ្ធផលមិនឈ្នះគេក៏ដោយ ។

បន្ទាប់ពីរូបភាពរបស់ក្មេងប្រុសម្នាក់នេះបានចែករំលែកព្រោងព្រាតពេញបណ្ដាញសង្គមហ្វេសប៊ុក បានធ្វើឱ្យមានសប្បុរសជនចង់ជួយជាបន្តបន្ទាប់ ពិសេសមានអ្នកចង់ទិញកង់ថ្មីឱ្យក្មេងប្រុសកម្សត់ខាងលើ ។ ជាក់ស្តែងថ្មីៗកន្លងទៅនោះ គណនីហ្វេសប៊ុកមួយឈ្មោះ Lang Tyleang បានបង្ហោះថា ពេលនេះក្មេងប្រុសចិត្តអង់អាចរូបនេះបានទទួលកាដូជាកង់ដ៏ស្រស់ស្អាត និង ទំនើបមួយគ្រឿងហើយ ។

ដោយឡែកងាកមកថៅកែហាងពេជ្រ និង ជាអ្នកជំនួញអនឡាញដ៏ល្បីនៅប្រទេសកម្ពុជា គឺអ្នកនាង ទ្រី ដាណា ក្រោយពីបានឃើញពីភាពតស៊ូរបស់ក្មេងប្រុសខាងលើនេះហើយ អ្នកនាងបានបង្ហាញចេតនាចង់ជួបក្មេងប្រុសរូបនេះ ដើម្បីធ្វើរឿងមួយចំនួនដល់រូបគេ ដោយបានសរសេរសារលើបណ្តាញសង្គមហ្វេសប៊ុកផ្លូវការរបស់អ្នកនាងថា «ខ្ញុំនឹងជូបប្អូន» ។

ទោះបីមិនបានបញ្ជាក់ថានឹងផ្តល់អ្វីដល់ក្មេងប្រុសខាងលើក៏ដោយ ប៉ុន្តែបើតាមការមើលឃើញកន្លងទៅនោះ ឱ្យតែអ្នកមានទឹកចិត្តតស៊ូ និង មានជីវភាពខ្វះខាតនោះ ថៅកែពេជ្រ និង អ្នកជំនួញអនឡាញអ្នកនាង ទ្រី ដាណា រូបនេះ តែងតែបានជួយទំនុបបម្រុង ផ្តល់ថវិកា និង បំពេញក្តីស្រមៃទៅតាមលទ្ធភាពដែលអ្នកនាងអាចជួយបាន ដូច្នេះក៏សង្ឃឹងថាក្មេងប្រុសតស៊ូដែលគេស្គាល់ឈ្មោះ ប៉ិច ធារ៉ា នឹងទទួលបាននូវអ្វីដែលជាក្តីស្រមៃរបស់គេពីថៅកែពេជ្ររូបនេះដែរ ៕