បាត់មុខយូរ អតីតតារាចម្រៀង សៀម ស្រីណុច សម្រេចបំណងធំមួយនៅឆ្នាំនេះ

មហាជនពិតជានៅចាំបានអតីតតារាចម្រៀង សៀម ស្រីណុច ដែលធ្លាប់មានឈ្មោះបោះសំឡេងកាលពី ជាង ១០ ឆ្នាំមុន។ ពេលនេះនាងបានរស់នៅយ៉ាងមានក្តីសុខនៅប្រទេសកាណាដាជាមួយស្វាមីជាទីស្រឡាញ់។

ឆាប់ៗខាងមុននេះ សៀម ស្រីណុច ត្រៀមនឹងសម្រាលកូនទីពីរ ដែលត្រូវបានគេដឹងថាជាកូនប្រុស ធ្វើឱ្យនាងកាន់តែរំភើបជាខ្លំាង ព្រោះរយៈពេលជាច្រើនឆ្នាំមកហើយ ដែលនាងទើបតែបានសម្រេចបំណងបានកូនប្រុសបែបនេះ។ យ៉ាងណាមិញ ពេលនេះ កូនស្រីរបស់មានវ័យ ១២ ឆ្នាំទៅហើយ ដែលនាងទើបនឹងរៀបចំធ្វើខួបកំណើតឱ្យកូនស្រីសំណព្វចិត្តកាលពីប៉ុន្មានថ្ងៃមុននេះ ។

បើទោះមានវ័យច្រើន និង កំពុងពពោះជិតសម្រាលកូនទៅហើយ តែរូបសម្រស់ក៏ដូចជាសុខភាពរបស់អតីត តារាចម្រៀងរូបនេះនៅតែ មាំទាំ និង ស្រស់ស្រាយជាធម្មតា ។ មានការលើកឡើងពីសំណាក់អ្នកគាំទ្រថា ខានឃើញជិត ២០ ឆ្នាំ តែសម្រស់របស់ សៀម ស្រីណុច នៅតែក្មេង និង ស្អាតប្លែកជាងមុនទៅទៀត។

កាលពីជិត ២០ ឆ្នាំមុន សៀម ស្រីណុច មិនត្រឹមជាតារាចម្រៀងល្បីប៉ុណ្ណោះទេ នាងក៏មានឈ្មោះជាស្រីស្អាតក្នុងចំណោមស្រីស្អាត ឡាយ លក្ខិណា និង លោកជំទាវ ស្រីតូច ចំណាន ផងដែរ តែក្រោយពីរៀបការ សៀម ស្រីណុច ក៏បានបញ្ចប់អាជីពលក់ជាតារាចម្រៀង និង ចាកចេញទៅរស់នៅប្រទេសកាណាដា ជាមួយស្វាមីកាលពីឆ្នាំ ២០០៣៕

រូបថត ៖ ហ្វេសប៊ុក