ស្ងប់ស្ងាត់យូរ សួង ស៊ីធឿន ត្រឡប់ចូលសិល្បៈវិញ បញ្ចេញភាពសិចស៊ីប្លែក!

វិលចូលសិល្បៈជាថ្មី តារាសម្តែងរូបរាងតូចស្រឡូន សួង ស៊ីធឿន នៅតែទទួលបានការចាប់អារម្មណ៍ពី សំណាក់មហាជន អ្នកគាំទ្រ។ យ៉ាងណា​មិញ ថ្មីៗនេះ នាងក៏ទទួលការងារជាបន្តបន្ទាប់ ដែលមានទាំងការថតរឿង និងស្ប៉តពាណិជ្ជកម្មនានាផងដែរ។

ក្រោយពីសម្រាកធ្វើចិត្តមួយរយៈ បន្ទាប់ពីគូដណ្តឹងបានទទួលមរណភាពដោយសារគ្រោះថ្នាក់ចរាចរណ៍មក សួង ស៊ីធឿន ក៏បានវិលចូលប្រឡូកក្នុងអាជីពសម្តែងឡើងវិញ ដោយពេលនេះ នាងក៏ទទួលបានការងារជាបន្តបន្ទាប់ ជាពិសេសការថតរឿងភាគទូរទស្សន៍ជាដើម។

អ្វីដែលចាប់អារម្មណ៍ថ្មីៗនេះ សួង ស៊ីធឿន បានបង្អួតរាងតូចស្រឡូនក្នុងឈុតប៊ីគីនីពណ៌ខ្មៅដោយគ្រាន់តែបិទបាំងដោយរ៉ូបស្បៃស្តើងពណ៌ផ្កាឈូកប៉ុណ្ណោះ ដែលកាន់តែធ្វើឱ្យស្រីស្អាតរូបនេះ លេចធ្លោថែមមួយកម្រិតទៀត។

គួរឱ្យដឹងដែរថា សួង ស៊ីធឿន គឺជា អតីតបេក្ខភាពនៅក្នុងការប្រកួត Freshie Girl ជំនាន់ទី ១៥ តែគ្រានោះ នាងមិនទទួលបានចំណាត់ថ្នាក់ល្អទេ។ ទម្រាំក្លាយជាតារាសម្តែងដែលមានប្រជាប្រិយភាពបែបនេះ សួង ស៊ីធឿន បានតស៊ូជាខ្លាំងក្នុងវិស័យសិល្បៈ រហូតទទួលបានតម្លៃខ្លួនខ្ពស់ដូចសព្វថ្ងៃ។ រឿងដំបូង ដែលដែលធ្វើឱ្យ សួង ស៊ីធឿន មានអ្នកស្គាល់ច្រើននោះគឺរឿង «សរសរកន្លោង»៕

រូបថត ៖ហ្វេសប៊ុក