សួន ពិសី បរាជ័យ Miss Grand តែជោគជ័យ Miss Universe Cambodia 2020 ឈ្នះបានរងទី ៤

កាលពីរាត្រីថ្ងៃទី ២៦ ខែវិច្ឆិកា ឆ្នាំ ២០២០ កន្លងនេះ កម្មវិធីប្រកួតសម្រស់ដ៏ធំប្រចាំប្រទេសកម្ពុជា Miss Universe Cambodia 2020 បានឈានដល់ទីបញ្ចប់ជាស្ថាពរ ដោយក្នុងនោះគេក៏បានស្វែងរកឃើញរាជិនីកំពូលសម្រស់គ្រងមកុដប្រចាំឆ្នាំ ២០២០ បានទៅលើបេក្ខនារីពាក់ស្លាកលេខ ១៨ កញ្ញា រ៉េត សារីតា ។

ក្រឡេកទៅមើលជ័យលាភីរងឯណោះវិញ គឺជ័យលាភីរងទី ១ បានទៅលើកញ្ញា ឈុន រក្សា, ជ័យលាភីរងទី ២ កញ្ញា ឌី សុរៈក្ខិតា, ជ័យលាភីរងទី ៣ កញ្ញា នេត រក្សា និង ជ័យលាភីរងទី ៤ កញ្ញា សួន ពិសី ។

យ៉ាងណាមិញ មហាជនអ្នកគាំទ្រប្រាកដជាធ្លាប់បានដឹងមកហើយពីវត្តមានរបស់ជ័យលាភីរងទី ៤ កញ្ញា សួន ពិសី ដោយពេលកន្លងមក បវរកញ្ញារូបនេះធ្លាប់បានចូលរួមការប្រកួតកម្មវិធី Miss Grand Cambodia 2020 តំណាងឲ្យខេត្តព្រៃវែង រួចមកហើយ តែពុំទទួលបានលទ្ធផលល្អទេ ដោយនាងបានជាប់ត្រឹមចំណោម Top 10 តែប៉ុណ្ណោះ ។

យ៉ាងណាមិញ មកកាន់ឆាកប្រកួត Miss Universe Cambodia 2020 នេះវិញ បវរកញ្ញារូបនេះបានចាប់យកតំណែងយ៉ាងល្អក្នុងជ័យលាភីរងទី ៤ ដោយបានយកឈ្នះបេក្ខនារីផ្សេងទៀតជាច្រើន ៕