សូដា នីតា បង្ហាញចិញ្ជៀនពេជ្រយ៉ាងចែងចាំង ស្របពេលត្រៀមបើកហាងថ្មី!

សូដា នីតា ក៏ជាអ្នកសិល្បៈម្នាក់ដែលមានជីវិតហាយសូរមិនធម្មតា ព្រោះនាងមិនត្រឹមតែរស់នៅផ្ទះវីឡាធំស្កឹមស្កៃ និង ប្រើប្រាស់រថយន្តទំនើបថែមទៀតផង។

ថ្មីៗនេះ មានការបើកភ្នែកធំៗសឹងគ្រប់គ្នាក្រោយពីបានឃើញ សូដា នីតា បង្ហាញចិញ្ជៀនពេជ្រយ៉ាងចែងចាំង ជាមួយនឹងការលើកឡើងថា៖ «តម្លៃពិសេសហើយពេជ្រល្អទៀត»។

ជាមួយនឹងការបង្ហាញរបស់តារារូបនេះ បានធ្វើឱ្យមិត្តភក្តិរួមអាជីពជាច្រើនលើកឡើងថា មួយរយៈចុងក្រោយនេះ សូដា នីតា កាក់កបមិនធម្មតា ព្រោះឆាប់ៗខាងមុខនេះ នាងមានគម្រោងបើកហាងអាហារ ដែលមានទីតាំងនៅម្តុំបឹងសាឡាងដែលនឹងចាប់ដំណើរការនៅក្នុងចុងឆ្នាំនេះតែម្តង។ មិនតែប៉ុណ្ណោះ បើតាមដឹង នេះជាការចូលទុនរួមគ្នាជាមួយគូដណ្តឹងរបស់នាងផងដែរ​។ ក្នុងនោះ មានការបង្ហើបពីសំណាក់ប្រភពដែលស្និទ្ធជាមួយ សូដា នីតា ថាតារាស្រីរូបនេះ ក៏បានទិញផ្ទះវីឡាមួយបន្ថែមទៀត មានទីតាំងនៅផ្លូវ ៦០ ម៉ែត្រ ដែលត្រូវគេសង្ស័យថាជា ទ្រនំស្នេហ៍ក្រោយនាងរៀបការរួច។

គួរឱ្យដឹងថា សូដា នីតា កាន់តែមានភាពស្រស់ស្រាយ ក្រោយពីនាងមានគូដណ្តឹងលោក យុទ្ធ ឋានៈ ជាអ្នកលើកទឹកចិត្តនៅក្បែរគ្រប់ពេល។ ពេលនេះដែរ សូដា នីតា កាន់តែ បើក ចំហពីចំណងស្នេហ៍របស់នាងដោយនាងអះអាងថា ៖ «កុំខ្វល់… យើងមានប៉ុណ្ណាទទួលប៉ុណ្ណឹងទៅ … ព្រោះមិនបានលាក់មុខពួនអាត្មាយកគ្នាកំបាំងមុខ ឬ យកប្តីអ្នកណាទេ» ៕

រូបថត ៖ហ្វេសប៊ុក