អាលីហ្សា សម្រាលកូនមិនទាន់បានប៉ុន្មានផង ពោលស្តាយរឿងមួយ!

ក្រោយមានកូនតារាសម្តែងរូបស្រស់ អាលីហ្សា នៅតែមានសម្រស់ស្រស់ផូរផង់ តែយ៉ាងណារូបរាងរបស់នាងមិនទាន់ស្រឡូនស្អាតដូចពីមុនទេ ហើយអ្វីដែលចាប់អារម្មណ៍ពេលនេះ តារាស្រីរូបនេះបានត្រឹមតែស៊ែររូបភាពដ៏ស្រឡូនស្អាតកាលពីមុនប៉ុណ្ណោះ ដោយលើកឡើងថាពេលនេះជាជ្រូកហើយ ។

ដោយសារមិនទាន់រឹងដៃរឹងជើងស្រួលបួល អាលីហ្សា មិនទាន់មានឱកាសក្នុងការសម្រកយករូបរាងស្រឡូនស្អាតដូចពីមុនឡើយ តែនាងអះអាងថានឹងយករូបរាងពីមុនមកវិញនៅក្នុងពេលឆាប់ៗនេះ ហើយនាងក៏បង្ហាញអារម្មណ៍ស្តាយរូបរាងសិចស៊ីពីមុនផងដែរ ។ ហាក់មិនសូវសំណាងដូចមិត្តភក្តិដទៃ អាលីហ្សា មិនទទួលបានការថ្នាក់ថ្នមពីសំណាក់ស្វាមីនៅក្នុងការមើលថែរូបនាង និង កូនដំបូងនេះឡើយ ដោយសារពេលនេះស្វាមីរបស់នាងមិនទាន់អាចចុះមកលេងស្រុកកំណើតបាន តែក្នុងនោះនាងក៏មិនមានការអាក់អន់ចិត្តអ្វីដែរ ព្រោះទាំងកូន និង ស្វាមីគឺជាជីវិតរបស់នាង ។

អាលីហ្សា បានត្រឹមតែជួបស្វាមី និង បង្ហាញរូបថតកូនស្រីតាមប្រព័ន្ធអេឡិចត្រូនិចប៉ុណ្ណោះ ហើយពេលនេះនាងក៏មិនទាន់ប្រាកដថានឹងបានចេញទៅរស់នៅជួបជុំគ្នានៅសហរដ្ឋអាមេរិកនៅពេលណាច្បាស់លាស់នោះទេ ។ បើក្រឡេកមើលការងារសិល្បៈរបស់ អាលីហ្សា សព្វថ្ងៃកាន់តែឆ្ងាយ ស្របពេលនេះនាងបានយកពេលវេលាទាំងអស់មកមើលថែកូនតូចជាទីស្រឡាញ់ដោយផ្ទាល់ដៃ ៕