រំភើបណាស់! ក្រុម SWSB នឹងចូលរួមកម្មវិធីដ៏ធំមួយ នៅប្រទេសកូរ៉េតំណាងឲ្យកម្ពុជា (វីដេអូ)

មហាជនអ្នកគាំទ្រ របស់ប្រទេសកម្ពុជា ដែលនិយមស្នេហាវិស័យចចម្រៀង Original Song មានក្តីរំភើបចិត្ត និង រីករាយយ៉ាងខ្លាំង បន្ទាប់ពីក្រុមចម្រៀងពេញនិយម Small World Small Band ក្រុមតូច បានប្រកាសជាផ្លូវការលើផេកផ្លូវការរបស់ខ្លួនថា « SWSB ក្រុមតូច តំណាងកម្ពុជា ចូលរួមកម្មវិធី Round Festival នៅប្រទសកូរ៉េខាងត្បូង » ។

ក្នុងកម្មវិធីនោះដែរ SWSB ក្រុមតូច​ គឺជាសិល្បករតំណាងឲ្យកម្ពុជា​ ក្នុងចំណោមសិល្បករដទៃទៀត ដែលមកពីបណ្តាប្រទេសអាស៊ានទាំង ១០ ដូចជា ប្រទេសកម្ពុជា ព្រុយណេ ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សឹង្ហបូរី ថៃ វៀតណាម និង កូរ៉េខាងត្បូង។

គួរបញ្ជាក់ទៀតថា Round Festival  គឺជាមហោស្រពផ្លាស់ប្តូរវប្បធម៌ និង ពង្រឹងសាមគ្គីភាពរវាងប្រទេសអាស៊ាន ១០ និង កូរ៉េខាងត្បូង ហើយកម្មវិធីនៅក្នុងឆ្នាំ​ ២០២០ នេះ នឹងត្រូចចាក់ផ្សាយជាផ្លូវការនៅនៅថ្ងៃអាទិត្យទី ៦ ខែធ្នូ ឆ្នាំ២០២០ លើគណនី Youtube ផ្លូវការចំនួន ៣ ដូចជា « KBS Kpop Youtube » , « KBS All That Music Official Youtube » និង « ROUND Official Youtube » ៕