បាត់មុខពីសិល្បៈ ធ្លាយដំណឹងថា សុវណ្ណ រ៉ាផា ត្រៀមសម្រាលកូនដំបូង

ថ្មីៗនេះមានការចាប់អារម្មណ៍ជាខ្លាំងក្រោយពីមានលេចឮដំណឹងថាតារាសម្តែងរូបស្រស់ សុវណ្ណ រ៉ាផា កំពុងពពោះ និង ត្រៀមសម្រាលកូនដំបូងនៅក្នុងពេលប៉ុន្មានថ្ងៃខាងមុខនេះ ដែលការលើកឡើងបែបនេះស្របពេលចុងក្រោយនេះតារាសម្តែងរូបស្រស់ សុវណ្ណ រា៉ផា មិនមានសកម្មភាពនៅក្នុងការងារសិល្បៈ ។

គេចាំបានថា សុវណ្ណ រ៉ាផា បានសម្រេចចិត្តភ្ជាប់ពាក្យជាមួយម្ចាស់ផលិតកម្មវ័យក្មេងមួយគឺលោក ឈុន សុវណ្ណភក្តី កាលពីដើមឆ្នាំ ២០១៩ ដែលកាលណោះ សុវណ្ណ រ៉ាផា បានលើកឡើងថានឹងរៀបការនៅក្នុងឆ្នាំ ២០២០ តែថ្មីៗនេះមានការបង្ហើបពីសំណាក់មិត្តភក្តិជិតដិតជាមួយតារាស្រីរូបនេះបានឱ្យដឹងថា ពេលនេះ សុវណ្ណ រ៉ាផា កំពុងត្រៀមខ្លួនក្លាយជាម្តាយរបស់គេហើយ ដែលតាមគម្រោងនាងនឹងសម្រាលកូនដំបូងនៅក្នុងខែធ្នូនេះតែម្តង តែប្រភពនោះមិនបានបញ្ជាក់ថាជាកូនស្រីឬប្រុសនោះទេ ។

សុវណ្ណ រ៉ាផា ជាតារាសម្តែងម្នាក់ដែលមានសម្រស់ស្រស់ស្អាត និង មានទីផ្សារការងារគួរសម ហើយភាគច្រើននាងលេចមុខនៅក្នងរឿងភាគ តែភាគច្រើនមិនមែនជាតួឯកនោះទេ ដោយសារនាងមានទម្រង់មុខបែបកាចឆ្នាសឆ្នើម ។ គេមិនច្បាស់ថាក្រោយសម្រាលកូនរួច សុវណ្ណ រ៉ាផា នឹងបន្តសម្តែងទៀតឬបែបណាឡើយ ខណៈនេះនាង និង លោក ឈុន សុវណ្ណភក្តី ក៏មានបើកជាអាហារដ្ឋានមួយផងដែរ ៕