មិននឹកស្មាន មុនសម្រេចចិត្តធ្វើរឿងមួយនេះ លាង សុផាឡែន ពិចារណាដល់ទៅ ៨ ឆ្នាំ

ក្រៅពីមានសំឡេងពីរោះ រូបសម្រស់ និង ការតុបតែងខ្លួនជារឿងមួយដែលសំខាន់ សម្រាប់តារាក្នុងវិស័យសិល្បៈ។ យ៉ាងណាមិញមួយរយៈចុងក្រោយនេះ គេចាប់អារម្មណ៍ឃើញថា លាង សុផាឡែន កាន់តែមានសម្រស់ស្រស់ស្អាត ជាពិសេសទម្រង់មុខប្រែប្រួលប្លែកខុសតែម្តង។

ជាមួយនឹងភាពប្រែប្រួលប្លែករបស់តារាចម្រៀងសម្បុរស្រអែម លាង សុផាឡែន បានធ្វើឱ្យអ្នកគាំទ្រ លាន់មាត់សរសើរគ្រប់ៗគ្នាហើយមានអ្នកគាំទ្រខ្លះដល់ថ្នាក់ ឈែតសួរនាងត្រង់ៗពីបញ្ហានេះតែម្ដង ប៉ុន្តែ លាង សុផាឡែន អះអាងថានាងមិនបានអាក់អន់ចិត្តអ្វីឡើយ មានតែសប្បាយចិត្ត ដែលមានអ្នកចាប់អារម្មណ៍បែបនេះ ហើយក៏មិនបានលាក់លៀមអ្វីដែរ។

លាង សុផាឡែន បានទទួលស្គាល់ថា ភាពស្រស់ស្អាតបែបនេះ ដោយសារនាងបានវះកាត់ស្លាបច្រមុះ តែមួយមុខគត់ ហើយមិនមែនរឿងលេងសើចទេ ទម្រាំនាងសម្រេចចិត្តវះកាត់បែបនេះ នាងបានពិចារណារហូតដល់ទៅ ៨ ឆ្នាំឯណោះ។

សម្រស់កាន់តែស្រស់ស្អាត តែបើនិយាយពីរឿងស្នេហា លាង សុផាឡែន លាក់ជិតឈឹងតែម្តង ក្រោយពីធ្លាប់លេចធ្លាយព័ត៌មានចចាមអារ៉ាមថា នាងមានទំនាក់ទំនងជាមួយតារាចម្រៀងម្នាក់ដែលមានប្រពន្ធហើយ កាលពីមួយរយៈមុន។

គួរឱ្យដឹងថា លាង សុផាឡែន ជាតារាស្រី ដែលមិននិយមសំញ៉ែងសម្ភារកាលីបៗ ទំនើបៗ ហាយសូរ ដូចមិត្តភក្តិរួមអាជីពមួយចំនួនឡើយតែ នាងត្រូវបានគេដឹងថា ជាតារាដែលមានអចលទ្រព្យជាច្រើននៅតាមបណ្តាខេត្ត៕

រូបថត ៖ ហ្វេសប៊ុក