លើកដំបូង កៅ សីហា អ្នកនិពន្ធ និង ដឹកនាំល្បីនៅហង្សមាស ស្រក់ទឹកភ្នែកព្រោះអ្នកគាំទ្រ

បើនិយាយពីអ្នកនិពន្ធ និង ដឹកនាំសម្តែងនៅក្នុងផលិតកម្មរស្មីហង្សមាស មហាជនអ្នកគាំទ្រប្រាកដជាបានឃើញស្នាដៃជាច្រើនមកហើយរបស់លោក កៅ សីហា ក្នុងបទចម្រៀង និង ខ្សែភាពយន្តផងដែរ ។ ថ្មីៗនេះលោក កៅ សីហា ដែលជាអ្នកនិពន្ធ និង ដឹកនាំរូបនេះ កាន់តែមានភាពលេចធ្លោក្នុងការសាងស្នាដៃទេពកោសល្យក្នុងការងារលើវិថីសិល្បរបស់លោក ។

ជាក់ស្តែងកាលពីប៉ុន្មានថ្ងៃមុននេះ បទចម្រៀងជាប្រភេទសាច់រឿង ដោយមានការដឹកនាំដោយលោក កៅ សីហា ដែលមានការបកស្រាយដោយលោក ដួង វីរៈសិទ្ធ ក្នុងបទ «ចិញ្ចៀនផ្កាស្មៅ» បានកំពុងឆក់យកបេះដូងអ្នកទស្សនាជក់ចិត្ត និង គាំទ្រនូវ MV នេះយ៉ាងខ្លាំង ។

MV ខាងលើនេះមានការគាំទ្រ និង មានអ្នកលេងបណ្តាញសង្គមជាច្រើនបានសរសើរស្នាដៃនៃការដឹកនាំសម្តែងរបស់លោក កៅ សីហា យ៉ាងច្រើន រហូតធ្វើឲ្យលោករំភើបចិត្តស្រក់ទឹកភ្នែកពោលពាក្យថា «បានអានខមិនហើយ ខ្ញុំរំភើប ពិសេសមានអ្នកយល់ពីអ្វីដែលខ្ញុំបានបង្កប់ន័យក្នុងពាក្យសន្ទនានៃ MV មួយនេះ» ៕