ស្ងាត់សិល្បៈ សុវណ្ណ រ៉ាផា សម្រាលកូនប្រុសមួយដ៏គួរឱ្យស្រឡាញ់ ក្រោយភ្ជាប់ពាក្យជិត២ឆ្នាំ

ក្រោយភ្ជាប់ពាក្យជិតពីរឆ្នាំ ពេលនេះតារាសម្តែងរូបស្រស់ សុវណ្ណ រ៉ាផា បានក្លាយជាម្តាយរបស់គេ ដោយពេលនេះ នាងទើបសម្រាលបានកូនប្រុសមួយកាលពីថ្ងៃទី ១៣ ខែធ្នូ ឆ្នាំ២០២០ ម្សិលមិញនេះ ដែលធ្វើឱ្យមិត្តភក្តិក្នុងសិល្បៈអបអរសាទរគ្រប់គ្នា។

សុវណ្ណ រ៉ាផា បានសម្រេចចិត្តភ្ជាប់ពាក្យជាមួយលោក ឈុន សុវណ្ណភក្តី ដែលជាម្ចាស់ផលិតកម្មមួយ និង ជាពោះម៉ាយកូនពីរ ដែលលោកក៏ត្រូវជាបងធម៌របស់ នាយចឺម កាលពីដើមឆ្នាំ ២០១៩ កន្លងទៅផងដែរ។

ពេលនេះដែរ សុវណ្ណ រ៉ាផា និង ស្វាមី ទទួលបានចំណងដៃកូនប្រុសមួយ ដែលនាងបាន ដាក់ឈ្មោះថា ឈុន សុវណ្ណរិទ្ធីស័ក្ដិ ព្រមទាំងមានមុខមាត់ដូចនាងបេះដាក់តែម្តង។ បច្ចុប្បន្ន សុវណ្ណ រ៉ាផា និងកូន មានសុខភាពល្អជាធម្មតា ហើយសម្រាប់ការសម្រាលកូនដំបូងនេះ នាងសម្រាលដោយការវះកាត់។ ក្នុងនោះក៏មានការលើកឡើងពីសំណាក់មហាជនថាស្ងាត់ៗ សុវណ្ណ រ៉ាផា មានកូនបាត់អ៊ីចឹងតើ ទើបបានស្ងាត់ដំណឹងពីសិល្បៈ ។

សុវណ្ណ រ៉ាផា ជាតារាសម្តែងស្រីមួយរូប ដែលមានឈ្មោះបោះសំឡេង និង តែងលេចមុខនៅក្នុង ខ្សែរឿងភាគជាច្រើនក្នុងតំណែងជាតួរង តែគេមិនច្បាស់ថាក្រោយមានកូន សុវណ្ណ រ៉ាផា និង បន្តអាជីពសិល្បៈ ឬ បែបណាឡើយ ខណៈពេលនេះនាង ព្រមទាំងគូដណ្តឹងក៏មានមុខរបរផ្សេងនៅក្នុងដៃ គឺអាហារដ្ឋានមួយកន្លែងផងដែរ៕

រូបថត ៖ ហ្វេសប៊ុក