កូនស្រី ផន សុផារី ទើបតែអាយុជាង ១ ខែ មុខឡើងកំប្លង់ៗ គួរឱ្យក្នាញ់ខ្លាំង

គិតមកដល់ពេលនេះ កូនស្រីទី ២ របស់អតីតតារាកំប្លែងអ្នកនាង ផន សុផារី មានអាយុជាង ១ ខែហើយ ដោយអ្នកនាង និង ស្វាមី បានប្រារព្ធពិធីចេញខែឱ្យនាងតូច កាលពីពេលថ្មីៗនេះ ។

ជារឿយៗ អ្នកនាង ផន សុផារី តែងតុបតែងខ្លួនឱ្យកូនស្រីស្អាតៗ ថតបង្ហោះនៅលើបណ្ដាញសង្គមហ្វេសប៊ុកមិនសូវសល់ថ្ងៃនោះទេ ធ្វើឱ្យអ្នកប្រើប្រាស់បណ្ដាញសង្គមមួយនេះ បញ្ចេញយោបល់សរសើរមិនដាច់ពីមាត់ ។

ជាក់ស្ដែង ដ្បិតតែនាងតូច អ៊ែលលី កូនស្រីទី ២ សំណព្វចិត្តរបស់អតីតតារាកំប្លែងខាងលើ មានអាយុទើបតែជាង ១ ខែ ក៏ពិតមែន ប៉ុន្ដែនាងតូចរូបនេះ ថ្លោសគួរឱ្យក្នាញ់ណាស់ មុខមូលកំប្លង់ៗ ភ្នែកធំក្រឡង់ៗ សាច់សខ្ចី ជាពិសេស ផន សុផារី ក៏ពូកែតុបតែងខ្លួនឱ្យកូនស្រីថែមទៀត មើលទៅកាន់តែគួរឱ្យស្រឡាញ់ ៕