មិនឱ្យខកខាន នៅ ស៊ីនឿន រៀបចំពិធីខួបកំណើតពោរពេញដោយស្នាមញញឹម យប់មិញ!

សម្រាប់់់ឆ្នាំនេះក៏មិនខុសពីឆ្នាំមុនដែរតារាចម្រៀង នៅ ស៊ីនឿន បានរៀបចំពិធីខួបកំណើត ដោយមានការចូលរួមពីសំណាក់បងប្អូន និង មិត្តភក្តិក្នុងសិល្បៈស្និទ្ធស្នាលមួយចំនួន កាលពីថ្ងៃទី ១៥ ខែធ្នូ ឆ្នាំ២០២០ យប់មិញនេះ ដែលមើលទៅពិតជាមានភាពរីករាយជាខ្លាំង។

ពិធីខួបកំណើតរបស់តារាចម្រៀង នៅ ស៊ីនឿន បានប្រព្រឹត្តទៅយ៉ាងរលូនដោយមានការចូលរួមពីសំណាក់ក្រុមគ្រួសារជាពិសេសអនាគតភរិយាដ៏ស្រស់ស្អាត និង អ្នកសិល្បៈជិតស្និទ្ធ ព្រមទាំងជាដៃគូរកស៊ីអចលនទ្រព្យជាមួយគ្នា ដែលមានដូចជាលោក ថែល ថៃ និង គ្រី ថៃពៅ ផងដែរ។

សូមបញ្ជាក់ថា​ ក្រោយសកម្មភាពសិល្បៈនៅក្នុងផលិតកម្មមានភាពស្ងប់ស្ងាត់ នៅ ស៊ីនឿន បានងាកមកធ្វើការដាក់ទុនរកស៊ីផ្នែកអចលនទ្រព្យវិញម្តង ដោយមានការចូលហ៊ុនជាមួយតារាចម្រៀង ថែល ថៃ និង គ្រី ថៃពៅទៀតផង។ បើនិយាយពីជីវិតស្នេហាវិញ គេចាំបានថា នៅ ស៊ីនឿន បានភ្ជាប់ពាក្យជាមួយនារីរូបស្រស់ដែលជាអ្នក រស់នៅសហរដ្ឋអាមេរិក និង មានគម្រោងរៀបការ កាលពីអំឡុងដើមឆ្នាំ២០២០ តែក៏ត្រូវជាប់គាំងទៅវិញ ដោយសារកូវីដ ១៩ រាតត្បាត៕

រូបថត ៖ ហ្វេសប៊ុក