បញ្ចប់ការសិក្សានៅបរទេសភ្លាម Sophia ចាប់ឱកាសជាតារាចម្រៀងរួមទ្រនំនឹង វណ្ណដា (ចម្រៀង)

បាត់មុខលើវិស័យចម្រៀងអស់រយៈពេលយូរក្រោយពីទៅបន្តការសិក្សានៅក្រៅប្រទេសហើយនោះ ម្ចាស់បទ « Hell » កញ្ញា Sophia Kao បានវិលត្រលប់មកកាន់ប្រទេសកម្ពុជាវិញហើយ កាលពីពេលកន្លងមក ។

កំឡុងខែវិច្ឆិកា កន្លងទៅ តារាចម្រៀង Original Song នារីរូបនេះ បានបង្ហាញបទចម្រៀងមួយបទដំបូងរបស់ខ្លួនមកហើយ ជាមួយនឹងតារាចម្រៀងសម្លេងស្រទន ថេណា ក្នុងបទ « អង្វរ » ដែលធ្វើឲ្យមហាជនរំភើបចិត្តយ៉ាងខ្លាំងក្រោយពីនាងបានបញ្ចប់ការសិក្សានៅក្រៅប្រទេស​ និង ឈានជើងមកលើវិថីសិល្បជាថ្មី ។

យ៉ាងណាមិញ អ្វីដែលកាន់តែធ្វើឲ្យមហាជនអ្នកគាំទ្រតារាចម្រៀង Original Song និយមបកស្រាយបទចម្រៀងជាភាសា​អង់​គ្លេស Sophia Kao កាន់តែរំភើបចិត្តទៀតនោះ ព្រោះតារាស្រីរូបនេះបានក្លាយទៅជាតារាចម្រៀងរួមទ្រនំជាមួយនឹង វណ្ណដា និង ឡ៉រ៉ា ម៉ម នៅក្នុងផលិតកម្មបារមីជាផ្លូវការហើយ ។

មិនត្រឹមតែប៉ុណ្ណោះ គ្រាន់តែចូលទ្រនំបារមីភ្លាម Sophia Kao ក៏បានបញ្ចេញបទចម្រៀងថ្មីភ្លែតដោយមានចំណងជើងថា «You Don’t Know How to Love Me» ៕