លេងស្ទីល Fashion សាមញ្ញតែ ដួង ម៉ានិច កាន់តែស្អាត ក្មេងឡើងរាល់ថ្ងៃ!

កៀកចូលឆ្នាំថ្មី ២០២១ តារាសម្តែងរូបរាងតូចស្រឡូន ដួង ម៉ានិច បានបង្ហាញស្ទីលលេងខ្លួន បែបយុវវ័យ សាមញ្ញ ៗ តែមើលទៅពិតជាទាក់ទាញ និង គួរឱ្យស្រឡាញ់តែម្តង។

ដើម្បីឱ្យកាន់តែស្និទ្ធស្នាលជាមួយអ្នកគាំទ្រ ជារឿយៗ ដួង ម៉ានិច តែងចែករំលែករូបភាពស្អាតៗ នៅតាមបណ្តាញសង្គមហើយថ្មីៗនេះ នាងក៏បានបង្ហាញនូវរូបភាពប្រមាណជា ៦ សន្លឹកដែលមើលទៅពិតជាឃ្យូដប្លែកតែម្តង។

រូបភាពមួយ ដែលទទួលបានការចាប់អារម្មណ៍ខ្លាំងនោះ ឃើញថា ដួង ម៉ានិច បានស្លៀកខោខ្លីពណ៌ស រួមនឹងពាក់អាវយឺត​ពណ៌លឿងបែប សាមញ្ញ តែស្ទីលតែងខ្លួនក្នុងឈុតមួយនេះ ធ្វើឱ្យមានការសរសើរពីសំណាក់អ្នកគាំទ្រជាច្រើនផងដែរ។

ក្រៅពីមានរូបសម្រស់ជាទុន ដួង ម៉ានិច ក៏ជាតារាសម្តែងដែលពោរពេញទៅដោយសមត្ថភាព ជាពិសេសនាងមិនខ្លាចក្នុងការសម្តែង ឈុតឆាកស្នេហារោលរាលនោះឡើយ។ ត្រឹមតែរយៈពេលប៉ុន្មានឆ្នាំសោះ តារាសម្តែងរូបនេះបានបន្សល់នូវស្នាដៃជាច្រើនដែលមានទាំងរឿងភាគទូរទស្សន៍ល្បីៗ ការសម្តែងក្នុង MV រួមនិងស្ប៉តពាណិជ្ជកម្មជាច្រើន។ បើក្រឡេកទៅមើលពីជីវិតឯកជនវិញ ប្រជាប្រិយភាពកាន់តែហក់ឡើង ជីវភាពរស់នៅរបស់ ដួង ម៉ានិច ក៏ប្រែប្រួលមិនធម្មតាដែរ ដោយនាងតែងបង្ហាញនូវសម្ភារៈទំនើបៗ ដែលមានដូចជា រថយន្តទំនើប និង ផ្ទះវីឡាជាដើម៕

រូបថត ៖ ហ្វេសប៊ុក