បាត់មុខឈឹង! ការពិត ដួង ច័ន្ទចរណៃ សំងំស្ពាយងារជំទាវ រស់នៅយ៉ាងមានសុភមង្គលលើគំនរទ្រព្យ

កាលពីប្រមាណជា ២០ ឆ្នាំមុន មហាជនអ្នកគាំទ្រវិស័យសិល្បៈប្រាកដជាធ្លាប់បានស្គាល់មកហើយនូវដៃគូចម្រៀងលោក ប៉ែន តារាវុទ្ធី និង ដួង ច័ន្ទចរណៃ ដែលជាពូបង្កើត និង ក្មួយបង្កើតនឹងគ្នា។ ក្នុងនោះដែរ គេបានដឹងថាអតីតតារាចម្រៀងលោក ប៉ែន តារាវុទ្ធី នៅតែបន្តជាពិធីករវិទ្យុ និង នៅក្នុងស្ថាប័នព័ត៌មានមួយ ដោយឡែកបើក្រឡេកទៅមើលតារាចម្រៀង ដួង ច័ន្ទចរណៃ ឯនោះវិញ ហាក់បាត់ឆ្ងាយពីពិភពសិល្បឈឹងតែម្តង។

យ៉ាងណាមិញ គេក៏បានដឹងថា អតីតតារាចម្រៀង ដួង ច័ន្ទចរណៃ បានមុខលើវិថីសិល្បប្រមាណជា ១៨ ឆ្នាំមុន បន្ទាប់ពីលេចឮថាតារាស្រីរូបនេះបានរៀបការជាមួយនឹងស្វាមីដែលមានឋានៈក្នុងសង្គម ហើយបច្ចុប្បន្ន ដួង ច័ន្ទចរណៃ ក៏ទទួលបានងារជាជំទាវ ព្រោះស្វាមីហើយដែរ។ ជារឿយៗគេតែងឃើញលោកជំទាវ ដួង ច័ន្ទចរណៃ បានធ្វើដំណើរកម្សាន្ត និង ចូលហាងទំនើបៗ ទិញសម្ភារប្រ៊េនៗ ដោយចាយជីវិតយ៉ាងរីករាយនៅក្រៅវិថីសិល្ប ។

តួយ៉ាងក្រោយរៀបការរួច ទោះលោកជំទាវ ដួង ច័ន្ទចរណៃ មិនដែលបង្ហាញមុខស្វាមីជាសាធារណៈនៅលើបណ្តាញសង្គមក៏ពិតមែន ប៉ុន្តែមហាជនអ្នកគាំទ្រដែលតែងតែតាមដានគណនីហ្វេសប៊ុក របស់អតីតតារាស្រីរូបនេះ បានឃើញហើយថាលោកជំទាវ ដួង ច័ន្ទចរណៃ ពិតជារស់នៅយ៉ាងមានសុភមង្គល ពោលគឺរស់នៅលើគំនរទ្រព្យស្តុកស្តម្ភតែម្តង៕