តារាចម្រៀង Mos ទិញឡានយ៉ាងទំនើប Surprise ប្រពន្ធសំណព្វ ក្នុងថ្ងៃខួបកំណើត

គួរឱ្យកោតសរសើរណាស់ តារាចម្រៀងលោក Mos ដើរតួនាទីជាប្តីល្អ ក្នុងថ្ងៃខួបកំណើតប្រពន្ធសំណព្វចិត្ត បានទិញកាដូយ៉ាងធំអស្ចារ្យមក Surprise ប្រពន្ធរបស់ខ្លួន ព្រមទាំងថតកៀកកើយគ្នាយ៉ាងមានក្ដីសុខបំផុត។ ជាទូទៅ អ្នកគាំទ្រតែងឃើញក្រុមគ្រួសាររបស់លោកបង្ហាញភាពផ្អែមល្អែម ទៅកាន់គ្នាជារឿយៗ ផងដែរ។

យ៉ាងណាមិញ កាលពីពេលថ្មីៗ នេះ ក្នុងថ្ងៃខួបកំណើតរបស់ឧត្តមភរិយារបស់ខ្លួន តារាចម្រៀងរូបនេះបានទិញឡានមួយគ្រឿងយ៉ាងស្រស់ស្អាតជូន ជាកាដូពិសេសសម្រាប់ភរិយាបណ្ដូលចិត្ត។ ទន្ទឹមនឹងនោះដែរ គេក៏ឃើញភរិយាបណ្ដូលចិត្តលោក Mos បានចេញមកបង្ហោះរូបក៏ដូចជា Caption យ៉ាងមានន័យផ្ញើជូនចំពោះស្វាមីដោយសម្ដែងការពេញចិត្តជាខ្លាំងនូវកាដូដែល Mos បានជូនទៅកាន់នាង ដោយសរសេរថា «កាដូខួបកំណើត ទោះបីជាអាយុ ៤០ ក៏ពិតមែន ក៏ប៉ុន្តែនៅតែស័ក្តិសមណា »  ។

ក្នុងនោះដែរ គេក៏កត់សម្គាល់ឃើញថា មហាជនជាច្រើនបានសម្ដែងសេចក្ដីរីករាយទៅកាន់នាង ក៏ដូចជាកោតសរសើរអំពីទឹកចិត្តដ៏ថ្លៃថ្លា ដែលលោកបានដើរតួនាទី ជាស្វាមីល្អជូនចំពោះភរិយាខ្លួនបែបនេះ៕