ភរិយា Goal! នី រតនា ទទួលកាដូចិញ្ចៀនពេជ្រយ៉ាងធំពីឧត្តមភរិយា ក្នុងថ្ងៃកំណើត

មិនត្រឹមតែជាតារាចម្រៀងវ័យក្មេង ទទួលបានប្រជាប្រិយភាពខ្លាំងប៉ុណ្ណោះទេ លោក នី រតនា ក៏ត្រូវបានមហាជនអ្នកគាំទ្រចាត់ទុកថា ជាតារាចម្រៀងផ្នែកបុរស ដែលមានភ័ព្វសំណាងខ្ពស់រៀបការជាមួយនឹងភរិយាដ៏ស្រស់ស្អាត មានទ្រព្យស្តុកស្តម និង ពូកែរកស៊ីទៀតផង។

តួយ៉ាងកាលពីថ្ងៃកំណើតរបស់តារាចម្រៀងប្រចាំផលិតកម្មរស្មីហង្សមាស លោក នី រតនា បានធ្វើឲ្យមហាជនអ្នកគាំទ្រលាន់មាត់សរសើរលោកសារជាថ្មីម្តងទៀតហើយ ក្រោយពីរូបភាពជាច្រើនសន្លឹកបានបង្ហោះនៅថ្ងៃទី ០៣ ខែមករា ឆ្នាំ ២០២១ លើគណនីហ្វេសប៊ុករបស់លោក ជួបជុំកូនប្រពន្ធ និង ក្រុមគ្រួសារពោរពេញដោយស្នាមញញឹម ។

លើសពីនោះ អ្វីដែលកាន់តែធ្វើឲ្យអ្នកលេងបណ្តាញសង្គមចាប់អារម្មណ៍ទៀតនោះ គឺកាដូចិញ្ចៀនពេជ្រ យ៉ាងចាំងចែង ដែលទទួលបានពីភរិយាបណ្តូលចិត្តរបស់ខ្លួន ។

ក្នុងនោះ លោក នី រតនា ក៏បានរៀបរាប់សារយ៉ាងរំភើបចិត្តថា «អរគុណប្រពន្ធសម្លាញ់សម្រាប់គ្រប់យ៉ាង Sovannpheakna Heng ។ ជាពិសេស អរគុណប៉ាម៉ាក់ទាំងសងខាង និង អរគុណបងប្អូនដែលគាំទ្ររូបខ្ញុំទាំងអស់គ្នា ដែលបានជូនពរដល់ខ្ញុំក្នុងថ្ងៃខួបកំណើត» ៕