ចូលឆ្នាំថ្មីភ្លាម ភុល សុវណ្ណដានីន បង្ហាញមុខគូស្នេហ៍ភ្លែតតែម្តង!

គ្រាន់តែចូលដល់ឆ្នាំ ២០២១ ភ្លាមតារាសម្តែង ភុល សុវណ្ណដានីន ចាប់ផ្តើមបង្ហាញមុខគូស្នេហ៍ដែល មានសម្រស់ផូរផង់ដែលធ្វើឱ្យមិត្តភក្តិរួមអាជីពសាទរគ្រប់ៗគ្នា ហើយខ្លះលើកឡើងថា សង្ស័យតែជិតមានដំណឹងល្អទេ បានបង្ហាញមុខបែបនេះ។

លោក ភុល សុវណ្ណដានីន ក៏ជាតារាសម្តែងដែលមានប្រជាប្រិយភាពគួរសមម្នាក់ដែរ។ លោកលេចមុខនៅក្នុងការសម្តែងរឿងភាគទូរទស្សន៍ជាច្រើន ជាពិសេសនៅក្នុងផលិតកម្មអិលឌី ប៉ុន្តែភាគតិចបំផុតលោកមានឱកាស សម្តែងជាតួឯក។ អ្វីដែលចាប់អារម្មណ៍ ប្រឡូកក្នុងសិល្បៈជាច្រើនឆ្នាំ តារាសម្តែងរូបនេះមិនដែលពើបប្រទះនូវរឿងអាស្រូវស្នេហាម្តងណាឡើយ ទើបតែថ្មីៗនេះលោក  ភុល សុវណ្ណដានីន បានធ្វើឱ្យអ្នកគាំទ្រមាន ការភ្ញាក់ផ្អើលដោយលោកបានបង្ហាញមុខគូស្នេហ៍ដែលជានារីរូបស្រស់ស្អាតម្នាក់ ដោយព្រលយខ្លីថា ត្រៀមតែលុយចងដៃទៅ។

ក្រៅពីតារាសម្តែងលោក ភុល សុវណ្ណដានីន ក៏លេចមុខនៅក្នុងស្ប៉តពាណិជ្ជកម្មជាច្រើន តែមួយរយៈមុននេះ លោកក៏ក្តោបបានតំណែងជាអ្នកតំណាងនៅក្នុងផលិតផលមួយ ដោយមានរយៈពេលវែង។ មិនតែប៉ុណ្ណោះ លោកក៏មានភាគហ៊ុននៅក្នុងក្រុមហ៊ុននេះផងដែរ។ បើគិតមកដល់ពេលនេះ តារាសម្តែងវ័យ ៣៧ឆ្នាំរូបនេះ ចូលប្រឡូក ក្នុងការសម្តែងប្រមាណជា ១០ ឆ្នាំហើយក្រៅពីការងារសិល្បៈ លោកក៏មានតួនាទីជាមន្ត្រីប៉ូលិសម្នាក់នៅក្នុងក្រសួងមហាផ្ទៃទៀតផង៕

រូបថត ៖ ហ្វេសប៊ុក