ឈិន ចាន់ធារី កាន់តែស្អាត និង បង្ហាញតម្រុយរកបានអ្នកស្អំបេះដូងថ្មីហើយ!
មានការចាប់អារម្មណ៍ជាខ្លាំងពីសំណាក់អ្នកគាំទ្រ ក្រោយពីបានឃើញអតីតពិធីការិនី ឈិន ចាន់ធារី បង្ហាញនូវកាដូយ៉ាងពិសេសនៅក្នុងឱកាសបុណ្យឆ្លងឆ្នាំ ហើយបើទោះនាងមិនបានបង្ហើបពីអត្តសញ្ញាណម្ចាស់កាដូក៏ពិតមែនតែ តាមរយៈពាក្យពេចន៍យ៉ាងផ្អែមល្ហែម គេជឿថាម្ចាស់កាដូនោះគឺជាមនុស្សពិសេសរបស់នាង ។
គេចាំបានថា ក្រោយពីចែកផ្លូវជាមួយលោក សុវណ្ណ មករា ជាស្វាមីដោយបន្សល់នូវកូនភ្លោះពីរនាក់ជាចំណងដៃ គេកម្រឃើញ ឈិន ចា់ន់ធារី បញ្ចេញអារម្មណ៍ ឬ រូបភាពផ្អែមល្ហែមជាមួយបុរសណាម្នាក់ឡើយ បើទោះកន្លងមកលេចឮថា នាងមានទំនាក់ទំនងស្នេហាជាមួយអតីតតារាសម្តែងម្នាក់ក៏ដោយ។
អ្វីដែលចាប់អារម្មណ៍ ថ្មីៗនេះ មានការចាប់អារម្មណ៍ជាខ្លាំង ក្រោយពីបានឃើញ ឈិន ចាន់ធារី បង្ហាញនូវកាដូពិសេសមួយដែលមាន ដូចជា បាច់ផ្កាកូលាបក្រហមយ៉ាងស្រស់ស្អាត រួមនឹងទូរស័ព្ទដៃស៊េរីទំនើបដោ យភ្ជាប់ជាមួយសារដែលមានអត្ថន័យថា «គេថាជំពាក់ថ្ងៃ Christmas មួយ ដល់ឆ្លងឆ្នាំមួយទៀត លេងសុទ្ធតែសរុបអ៊ីចឹងម៉ង សម្រាប់អារម្មណ៍តាំងពីយប់មកដល់ពេលនេះអត់មានអីនិយាយចេញទេ ក្រៅអំពីថា very surprise and excited ដូចបងបងប្អូនដឹងស្រាប់ហើយណា..ថាអារម្មណ៍ដែលគេ Surprise វាយ៉ាងម៉េចនោះ អរគុណសម្រាប់ទឹកចិត្តដ៏ល្អ អរគុណសម្រាប់ ក្តីស្រលាញ់ អរគុណដែលមានបេះដូងបរិសុទ្ធចំពោះខ្ញុំ»។
ទោះមិនបង្ហាញចំៗពីអត្តសញ្ញាណម្ចាស់កាដូក៏ពិតមែនតែ តាមរយៈសារមួយនេះមហាជនជាច្រើនជឿថា ម្ចាស់អំណោយមួយនេះ គឺពិតជាមនុស្សពិសេសរបស់ ឈិន ចាន់ធារី តែម្តង។
ការបង្ហាញនូវអំណោយក្នុងថ្ងៃពិសេសបែបនេះរបស់ ឈិន ចាន់ធារី ក៏ទទួលបានការសាទរពីសំណាក់មិត្តភក្តិជាច្រើនផងដែរ។ អ្វីដែលកត់សម្គាល់ ស្ពាយងារជាមេម៉ាយកូនពីរក៏ពិតមែន តែ ឈិន ចាន់ធារី នៅតែមានសម្រស់ស្អាតផូរផង់ ហើយការលេងស្ទីលតុបតែងខ្លួនរបស់នាង ក៏ទាក់ទាញមិនធម្មតាដែរ។ បើទោះពេលនេះ នាងមិនបានចាប់អាជីពសិល្បៈដូចមុនក៏ដោយតែពេលនេះនាង ក៏មានមុខជំនួញផ្ទាល់ខ្លួន ដោយបើកហាងមួយកន្លែង នៅម្តុំព្រែកលាភ៕
រូបថត ៖ ហ្វេសប៊ុក
