ប៊ីរីយ៉ា បង្ហាញសម្រស់ក្នុងឈុតគ្រឿងពេជ្រចែងចាំងមួយឈុតនេះ ស្អាតឥតខ្ចោះ!

បើទោះបីមានតារាស្រករក្រោយរីកដុះដាលតែ ប៊ីរីយ៉ា នៅតែមានទីផ្សារការងារសិល្បៈខ្លាំងដដែល ដែលមួយរយៈចុងក្រោយនេះនាងក៏បានលេចមុខនៅក្នុងការសម្តែងរឿងភាគទូរទស្សន៍ និង ថតស្ប៉តពាណិជ្ជកម្មនានា។

អ្វីដែលចាប់អារម្មណ៍ ប៊ីរីយ៉ា បានបង្អួតសម្រស់ផូរផង់ជាមួយនឹងគ្រឿងពេជ្រចែងចាំង ដែលធ្វើឱ្យសម្រស់របស់តារាស្រីរូបនេះលេចធ្លោថែមមួយកម្រិតទៀត។ ក្នុងនោះ ក៏មានការសរសើរថាមួយឈុតនេះ មើលទៅ តារាសម្តែង ប៊ីរីយ៉ា ពិតជាស្អាតមិនចាញ់តារាប្រទេសជិតខាងនោះទេ។

ត្បិតនៅតែមានទីផ្សារសិល្បៈខ្លាំងក៏ពិតមែនតែ ប៊ីរីយ៉ា មិនសូវសម្រុកប្រមូលប្រាក់តាមរយៈការសម្តែងប៉ុន្មានឡើយ ព្រោះមួយរយៈចុងក្រោយនេះ នាងមានមុខរបរជាច្រើន នៅក្នុងដៃ ដែលទទួលបានការគាំទ្រពីសំណាក់អតិថិជនជាច្រើន។

គួរឱ្យដឹងថា ប៊ីរីយ៉ា គឺជាតារាម្នាក់ដែលហាក់ខុសពីតារាដទៃ ដោយនាងកម្របង្ហាញជីវិតឯកជនរបស់ខ្លួនណាស់ ជាពិសេសរូបភាពបែបផ្អែមល្ហែមជាមួយស្វាមីតាមបណ្តាញសង្គមណាស់ ដោយភាគច្រើននាងបានចែករំលែករូបភាពជាមួយកូនស្រីជាទីស្រឡាញ់តែប៉ុណ្ណោះ។ ទោះបីយ៉ាងនេះ មានការបង្ហើបថាជីវិតគូរបស់ ប៊ីរីយ៉ា មានក្តីសុខសុភមង្គលជាធម្មតា ហើយស្វាមីរបស់នាងក៏មិនមានការហាមឃាត់ សម្រាប់ការប្រឡូកក្នុងអាជីពសិល្បៈ សំខាន់កុំឱ្យតែការសម្តែងឈុតស្នេហាព្រឺព្រួចហួសហេតុពេក៕

រូបថត ៖ ហ្វេសប៊ុក