បើកឆាកឆ្នាំថ្មីភ្លាម គណនី IG របស់ ចំរើន សុភ័ក្រ្ដ ត្រូវបានគេលួចយកទៅលេងបាត់!
តារាចម្រៀង ដែលជាអតីតបេក្ខភាពប្រលងចម្រៀងលំដាប់ថ្នាក់ពិភពលោក The Voice Cambodia រដូវកាលទី១ ចំរើន សុភ័ក្រ្ដ រូបនេះកំពុងតែមានភាពល្បីល្បាញខ្លាំងពីស្រទាប់យុវវ័យ។ យ៉ាងណាមិញ ត្រឹមតែរយៈពេលខ្លីប៉ុណ្ណោះ តារាស្រីរូបនេះអាចទាញយកបានចំណាប់អារម្មណ៍ពីមហាជនអ្នកគាំទ្រយ៉ាងច្រើន ថែមទាំងកំពុងតែមមាញឹកនៅក្នុងការឡើងច្រៀង នៅតាមរយៈការប្រគំតន្រីនានាផងដែរ។
អ្វីដែលភ្ញាក់ផ្អើលបំផុត ថ្មីៗនេះ ម្ចាស់បទ «អាណិតខ្លួនឯងណាស់» បានធ្វើឱ្យមហាជនមានការចាប់អារម្មណ៍ និងភ្ញាក់ផ្អើលនៅពេលដែលទស្សនិកជនបានឃើញតារាស្រីរូបនេះបញ្ចេញសារមួយទាក់ទងទៅនឹងគណនី IG របស់ខ្លួនដែលត្រូវបានជនមិនស្គាល់មុខលួចយកទៅលេងបាត់។
ក្នុងនោះ នាងក៏បានសរសេរសារមួយថា៖ «បងប្អូនណាមានស្គាល់ អ្នក I T ខាងនិងទេ? ជួយប្រាប់ខ្ញុំផង please like and share»៕
