អីយ៉ាស់! តាមពិតបងស្រីបង្កើតកីឡាករបាល់ទាត់ ច្រឹង ពលរដ្ឋ ជាអតីត Freshie Girl លេខ ៣ ឆ្នាំ ២០០៩
មហាជនអ្នកគាំទ្រ ជាពិសេសអ្នកចូលចិត្តទស្សនាកីឡាបាល់ទាត់ប្រាកដជាធ្លាប់បានស្គាល់មកហើយ នូវកីឡាករ ច្រឹង ពលរដ្ឋ កីឡាករខ្សែបម្រើរបស់ក្លិបវិសាខា ដែលជាកីឡាករមួយរូបល្បីឈ្មោះក្នុងប្រទេសកម្ពុជា ក្នុងចំណោមកីឡាករបាល់ទាត់ជាច្រើនរូបទៀត ។
យ៉ាងណាមិញ បើក្រឡេកទៅមើលជីវិតឯកជនពាក់ព័ន្ធនឹងបងប្អូនរបស់កីឡាករ ច្រឹង ពលរដ្ឋ ប្រាកដជាមានមហាជនមួយចំនួនមិនទាន់បានដឹងថា លោកមានបងស្រីបង្កើតជាអតីត Freshie Girl ចំណាត់ថ្នាក់លេខ ៣ ឆ្នាំ ២០០៩ ជំនាន់ទី ៨ ។
បងស្រីច្បងរបស់កីឡាករប្រុសខាងលើ ដែលជា Freshie Girl ចំណាត់ថ្នាក់លេខ ៣ ឆ្នាំ ២០០៩ រូបនោះ មានឈ្មោះថា ច្រឹង វិជ្ជរ៉ា ។ ក្នុងនោះ ក្រោយពីបានជាប់ចំណាត់ថ្នាក់ក្នុងកម្មវិធីហើយ Freshie Girl ច្រឹង វិជ្ជរ៉ា បានបន្តអាជីពលើវិថីសិល្បៈជាពិធីការិនីនៅក្នុងស្ថានីយ៍ទូរទស្សន៍មួយទទួលបានប្រជាប្រិយភាពយ៉ាងខ្លាំង ។
យ៉ាងណាមិញ ក្រោយពីបានរៀបការហើយអតីត Freshie Girl និង ជាបងស្រីរបស់កីឡាករ ច្រឹង ពលរដ្ឋ ក៏បានបញ្ចប់អាជីពលើវិថីសិល្បៈ ព្រមទាំងសាងគ្រួសារយ៉ាងមានសុភមង្គល ហើយបច្ចុប្បន្ននាងមានកូនប្រុសស្រីចំនួន ៣ នាក់៕
