ស្រឡាញ់ចៅពេក ម្ដាយ ឌី សូនីតា ខំប្រឹងធ្វើរឿងយ៉ាងពិសេសមួយនេះ ដើម្បីចៅតាំងពីនៅក្នុងផ្ទៃមកម្ល៉េះ!

តារាសម្ដែង ឌី សូនីតា បន្ទាប់ពីបានទទួលសមាជិកថ្មីជាកូនស្រីបណ្ដូលចិត្តដែលមានមុខមាត់ ស្រស់ស្អាត គួរឱ្យក្នាញ់ កាលពីខែថ្ងៃទី ២២ ខែ តុលា ឆ្នាំ ២០២០ កន្លងទៅ បានធ្វើឱ្យមហាជនអ្នកគាំទ្របាននាំគ្នាចូលរួមអបអរសាទរដល់តារាស្រីរូបនេះគ្រប់ៗគ្នា និង ថែមទាំងបានលាន់មាត់សរសើរថាកូនស្រីរបស់នាងមានមុខដូចជា ស្រស់ស្អាត មានមុខមាត់ដូចកូនកាត់បារាំងទៀតផង។

ក្រោយពីទស្សនិកជនជាច្រើនបានសារទរគ្រប់គ្នាដល់រូបនាងនោះ បើក្រឡេកទៅមើលអ្នកម្ដាយបង្កើតរបស់ ឌី សូនីតា ឯណោះវិញ ហេតុតែស្រឡាញ់ចៅស្រីខ្លាំងពេកបានធ្វើឱ្យអ្នកស្រី បានខិតខំលះបង់កម្លាំងខ្លួនធ្វើរឿងមួយយ៉ាងពិសេស ដើម្បីចៅស្រីសំណព្វតាំងពីចៅនៅក្នុងផ្ទៃម្ល៉េះ។

តួយ៉ាង ថ្មីៗនេះ ឌី សូនីតា បានទម្លាយរឿងពិសេសមួយទាក់ទងទៅនឹងអ្នកម្ដាយ ស្រឡាញ់ចៅស្រីខ្លាំង ដោយបញ្ជាក់ថា៖ «អាវម៉ាក់យាយខំចាក់ឱ្យអូនតាំងពីនៅក្នុងពោះឥលូវអូនពាក់ត្រូវហើយម៉ាក់ៗអើយ អរគុណម៉ាក់យាយណាស់ដែលស្រលាញ់ចៅ ចៅស្រលាញ់អាវនេះណាស់ម៉ាក់យាយអើយ គេងទាំងញញឹមម៉ង សំខាន់ថ្ពាល់ជិតផ្ទុះហើយបងប្អូនអើយ»៕