នឹកការកំប្លែងជំនាន់ឆ្នាំ ២០០១ ចេញម្តងៗសើចចុកពោះ តែគួរឱ្យស្តាយពួកគាត់មិននៅជុំគ្នាទៀតទេ (វីដេអូ)

លោកអ្នកច្បាស់ជានៅចាំមិនភ្លេចទេនូវតារាកំប្លែងរៀមច្បងកាលពីជំនាន់ឆ្នាំ ២០០១ ឡើងមកនោះ ដោយមាន នាយក្រឹម នាយកុយ នាយវីតាមីនសេ នាយសង់ស៊ីស នាយសានម៉ៅ នាងសាឡាឡា នាងគ្រត នាងកាឆយ យាយអឿន យាយយយ និង តារាកំប្លែងល្បីៗរួមជំនាន់ជាច្រើនទៀត ដែលនៅពេលពួកគាត់បង្ហាញវត្តមានលេងកំប្លែងម្តងៗ តែងតែបង្កការផ្ទុះសំណើចដល់អ្នកគាំទ្រសើចចុកពោះមិនស្ទើរទេ ។

យ៉ាងណាមិញ មកដល់ពេលបច្ចុប្បន្ននេះពួកគាត់មិនបាននៅជុំក្រុមគ្នាទៀតឡើយ ដោយមានតារាកំប្លែងខ្លះបានស្លាប់បាត់បង់ជីវិត តួយ៉ាងដូចជា នាយវីតាមីនសេ នាយសានម៉ៅ ហើយខ្លះទៀតក៏មានវ័យកាន់តែចាស់ ពិការ និង ខ្លះក៏បានលាឈប់បាត់មុខពីសង្គមសិល្បៈឈឹងគ្មានដំណឹង ដូចជា អ្នកនាង សាឡាឡា ពោលគឺនៅសល់តែមួយចំនួនតូចប៉ុណ្ណោះដែលកំពុងនៅប្រឡូកក្នុងវិស័យសិល្បៈដល់បច្ចុប្បន្ន ។

ថ្ងៃនេះ ដើម្បីបង្វែរអារម្មណ៍ ក៏ដូចជារំឭកអនុស្សាវរីយ៍ទៅកាន់អតីតកាល កាលពីអំឡុងឆ្នាំ ២០០១ ឡើងនោះ «ប្រជាប្រិយ» សូមបង្ហាញពីឆាកកំប្លែងរបស់រៀមច្បងចាស់ៗកាលនៅជុំគ្នាតាមរយៈវីដេអូកំប្លែងមួយ ដោយក្នុងវីដេអូគេឃើញមានតារាកំប្លែងជាច្រើនដូចជា នាយកុយ នាយវីតាមីនសេ នាយសង់ស៊ីស នាងខាត់ សុឃីម នាងក្រត នាងកាឆយ នាងសាឡាឡា យាយអឿន នាងកាច្រឹប ជាដើម ដែលការសម្តែងរបស់ពួកគាត់ពិតជាល្អមើលខ្លាំងណាស់ បើបានទស្សនាហើយពិតជាសើចរឹងពោះតាំងពីដើមដល់ចប់ ៕