ទម្លាយមុខមាត់ប្អូនប្រុសតារាស្រី Patricia ស្អាតសង្ហាខ្លាំង ចូលវ័យពេញកំលោះ
ដូចប្រិយមិត្តភាគច្រើនដែលនិយមតាមដានជីវិតឯកជនរបស់តារាថៃ ពិសេសនាង Patricia Good ប្រាកដជាបានជ្រាបច្បាស់ហើយថា ពេលនេះនាងកំពុងសាងស្នេហ៍យ៉ាងផ្អែមល្ហែមជាមួយបុរសជាកូនក្នុងគ្រួសារត្រកូលអភិជន Note Vises រយៈពេលជាង ១ ឆ្នាំហើយ ក្រោយពីនាងកាត់ផ្ដាច់ចំណងស្នេហ៍ជាមួយនឹងតារាប្រុស Peach Pachara មិនបានប៉ុន្មាន ។
កំពុងសាងស្នេហ៍ជាមួយបុរសហាយសូរ Note Vises សុខៗ ស្រាប់តែមហាជនមើលឃើញថា តារាស្រីរូបស្រស់ខាងលើ ទៅកៀកកិតជិតដិតខ្លាំងជាមួយកំលោះសង្ហាវ័យក្មេងម្នាក់ទៀតរហូតមានរូបថតដាក់ទស្សនាវដ្ដីជាមួយគ្នាក្នុងសកម្មភាពស្និទ្ធស្នាលផ្អែមល្ហែមដូចគូស្នេហ៍ ធ្វើឱ្យទស្សនិកជនងឿងឆ្ងល់ចង់ដឹងថា បុរសវ័យក្មេងរូបនោះជាអ្នកណា?
ទម្លាយការពិត កំលោះមុខមាត់សង្ហាវ័យក្មេងរូបនោះមានឈ្មោះថា Matthew គឺជាប្អូនប្រុសបង្កើតរបស់តារាស្រី Patricia ដែលកាលពីតូចៗ លោកក៏ធ្លាប់តាមនាងនៅលេងនៅកន្លែងថតកុនផងដែរ តែរំលងប៉ុន្មានឆ្នាំ ក្មេងប្រុសតូចរូបនោះ បានធំពេញរូបពេញរាង មុខមាត់ក៏ស្អាតបាត ចំណែកកម្ពស់កម្ពរក៏សង្ហាបើចូលប្រឡូកសិល្បៈពេញទំហឹង អនាគតដឹងតែល្បីល្បាញក្លាយជាតួឯកមិនចាញ់បងស្រីឡើយ ៕
