កូនប្រុសទាំង ៣ នាក់ របស់តារាចម្រៀង Jtrin មានជំនាញពិសេសៗរៀងៗខ្លួន

មហាជនសុទ្ធតែបានស្គាល់រួចមកហើយថាតារាចម្រៀងលោក Jtrin Watanasin  ជាកំពូលតារាចម្រៀងជួរមុខម្នាក់ក្នុងប្រទេសថៃ ដែលមានប្រជាប្រិយភាពខ្លាំងមកទល់បច្ចុប្បន្ន។ ដោយឡែកលោកក៏មានកូនប្រុស ៣ នាក់ ដែលមានរូបរាងសង្ហា ព្រមទាំងជាតារាចម្រៀង និង សម្ដែងផងដែរ ។

សម្រាប់កូនប្រុសទាំង ៣ របស់លោកសុទ្ធតែមានឈ្មោះពីរោះ និង មានអត្ថន័យល្អ ដោយកូនទី ១ លោកឈ្មោះ jaonaay កូនទី ២ មានឈ្មោះ Jaokhun និង កូនពៅមានឈ្មោះ Jaosmutt ដែលទាំង ៣ នាក់នៃវង្សត្រកូល Watanasin នេះសុទ្ធតែជាអ្នកមានដុងសិល្បៈទាំងអស់ ។ ទន្ទឹមនឹងមានដុងសិល្បៈដូចគ្នាមែន ក៏ប៉ុន្តែបងប្អូនទាំង ៣ នាក់នេះ សុទ្ធតែមានជំនាញដោយឡែកៗពីគ្នា ។

១. Jaonaay

Jaonaay មិនត្រឹមតែច្រៀងពីរោះដូចឪពុកហើយ លោកក៏ចេះលេងតន្រ្តីយ៉ាងស្ទាត់ជំនាញ ដោយបច្ចុប្បន្នតារាចម្រៀង និង សម្ដែងសង្ហារូបនេះកំពុងតែបន្តការសិក្សាផ្នែកតន្ត្រី នៅបរទេសផងដែរ ។

២. Jaokhun

Jaokhun ជាកូនប្រុសទី ២ នៃត្រកូល Watanasin មិនត្រឹមច្រៀង និង សម្ដែង លោកក៏មានជំនាញប្រដាល់ក្បាច់គុនថៃយ៉ាងល្អ ហើយកន្លងមកលោកក៏ធ្លាប់បានឡើងប្រដាល់លើសង្វៀនទៀតផង ។

៣. Jaosmutt

ចំណែកឯកូនពៅវិញ Jaosmutt មានអាយុតិចជាងគេក៏ពិតមែន តែកូនប្រុសពៅរបស់លោក Jtrin ម្នាក់នេះមានជំនាញរាំពិសេសមិនធម្មតាឡើយ រៀងរាល់កម្មវិធី Concert មហាជនតែឃើញ Jaosmutt បញ្ចេញក្បាច់រាំដ៏រស់រវើកនៅលើឆាកតន្ត្រី ៕