ស្រទន់ និង ស្រស់ស្អាតណាស់ កែវ ពេជ្រពិសី នៅក្នុងឈុតប្រពៃណីមួយនេះ

ថ្មីៗនេះមានការចាប់អារម្មណ៍ជាខ្លាំង ក្រោយពីបានឃើញតារាសម្តែង កែវ ពេជ្រពិសី បានបង្ហាញសម្រស់ក្នុងឈុតបែបប្រពៃណីខ្មែរ មើលទៅពិតជាសមសួន និង ស្រស់ស្អាតជាខ្លាំង បើទោះនាងមានវ័យច្រើនបន្តិចក្តី ។

ស្ថិតក្នុងឈុតបែបប្រពៃណីខ្មែរ ព្រះនាងនាគ គេសង្កេតឃើញថា កែវ ពេជ្រពិសី ពិតជាស្រស់ស្អាតប្លែក ជាពិសេសមើលទៅទន់ភ្លន់ជាខ្លាំង ។ នៅតែមានការសរសើរពីសម្រស់របស់តារាសម្តែងរូបនេះ ពីសំណាក់អ្នកគាំទ្របើទោះនាងមានវ័យជ្រេបន្តិចក្តី ។ សម្រាប់នៅក្នុងសម្លៀកបំពាក់នេះគេមិនទាន់ដឹងច្បាស់ថា កែវ ពេជ្រពិសី ស្លៀកនៅក្នុងកម្មវិធីអ្វីឡើយ ខណៈកន្លងមកនាងធ្លាប់បញ្ជាក់ថានឹងទទួលការងារសិល្បៈវិញក្រោយផ្អាកមួយរយៈពេល ។

វិលចូលសិល្បៈជាថ្មី កែវ ពេជ្រពិសី មានរូបរាងធាត់ប្លែកជាងមុន តែយ៉ាងណាពេលនេះនាងបានព្យាយាមសម្រកគីឡូ ដោយការញ៉ាំអាហារទៅតាមការកំណត់ ។ អ្វីដែលចាប់អារម្មណ៍មួយរយៈហើយដែល កែវ ពេជ្រពិសី បានប្រកាសវិលចូលសម្តែងជាថ្មី តែនាងហាក់មិនទទួលបានការសម្តែងជាដុំកំភួនអ្វីក្រៅពីលេចមុខនៅក្នុងកម្មវិធីមួយចំនួនរបស់ទូរទស្សន៍នានាតែប៉ុណ្ណោះ ។

ក្រៅពីម្ចាស់សម្អាងការពេលនេះ កែវ ពេជ្រពិសី ក៏ជាអ្នកលក់ផលិតផលរក្សាសម្រស់ម្នាក់ដែរ ហេតុនេះបើទោះមិនប្រកបការងារសិល្បៈក៏នាងមិនមានបញ្ហាអ្វីនៅក្នុងជីវភាពឡើយ ៕