ដូចប្រិយមិត្តភាគច្រើនបានជ្រាបស្រាប់ហើយថា នៅព្រឹកថ្ងៃទី ២២ ខែមីនា ឆ្នាំ ២០២១ ម្សិលមិញ តារាសម្ដែង ស្រីពីន ដែលស្ថិតនៅក្នុងក្រុមកំប្លែង នាយក្រឹម បានប្រកាសក្ដែងៗនៅលើហ្វេសប៊ុកទាំងទឹកភ្នែករហាមថា ម្ដាយនាងបានឆ្លងជំងឺកូវីដ-១៩ ហើយ ។
ស្រីពីន បានបង្ហោះសារ និង វីដេអូយំសស្រាក់ បង្ហាញពីក្ដីព្រួយបារម្ភចំពោះម្ដាយដែលឈឺគ្មាននាងនៅក្បែរជួយមើលថែផ្ទាល់ដៃ ម្យ៉ាងទៀតរូបនាងផ្ទាល់ក៏មានអារម្មណ៍ភ័យខ្លាចខ្លាំងខណៈកំពុងធ្វើចត្តាឡីស័កត្រូវនៅក្នុងបន្ទប់មន្ទីរពេទ្យតែម្នាក់ឯង ។
ដោយឡែកស្រាប់តែនៅព្រឹកថ្ងៃទី ២៣ ខែមីនា ឆ្នាំ ២០២១ នេះ តាមរយៈផេកសិល្បករកម្ពុជាបានឱ្យដឹងថា ម្ដាយតារាកំប្លែង ស្រីពីន បានទទួលមរណភាពហើយ នៅមន្ទីរពេទ្យរុស្ស៊ី ដែលដំណឹងដ៏ក្រៀមក្រំនេះដែរ ផេកសិល្បករកម្ពុជាក៏បានទទួលដំណឹងពី ស្រីលាភ ប្រពន្ធរបស់តារាកំប្លែង នាយក្រឹម ផ្ទាល់ ៕
