កប់! លិចមុខលើទស្សនាវដ្តីលើកនេះ Lisa ក្រុម BlackPinK ធ្វើឱ្យអ្នកគាំទ្រជ្រួលជ្រើមមិនស្ទើរ

កាលពីថ្ងៃទី ២១ ខែមេសា ឆ្នាំ ២០២១​ កន្លងទៅនេះ ទស្សនាវដី្ត Vogue របស់ជប៉ុនបានបញ្ចេញរូបភាពដ៏គួរឱ្យទាក់ទាញជាច្រើនសន្លឹករបស់តារាចម្រៀង Lisa សមាជិកក្រុម BlackPink ដែលជាក្រុមនារីដ៏ល្បីប្រចាំប្រទេសកូរ៉េ សម្រាប់ទំព័រមុខរបស់ទស្សនាវដ្តីខ្លួនប្រចាំខែមិថុនា ។

ដោយឡែក ក្នុងរូបភាពទាំងនេះដែរ គេឃើញថា Lisa បានស្លៀកឈុតដែលមានស្ទីលប្លែកៗផ្សេងៗគ្នា មានទាំងបែបកីឡា និង បែបស៊ិចស៊ី​ ដែលមើលទៅពិតជាមានមន្តស្នេហ៍ និង ប្លែកភ្នែកមិនធម្មតាឡើយ ។ ម៉្យាងទៀត បូករួមជាមួយសម្រស់ ព្រមទាំងកាយវិការយ៉ាងជឿជាក់ ការលេចមុខលើកនេះ Lisa បានឆក់ និង អង្រួនបេះដូងអ្នកគាំទ្រទាំងអស់ ទាំងក្នុង និង ក្រៅប្រទេសឱ្យមានការភ្ញាក់ផ្អើល ទៅលើសមត្ថភាពបង្ហាញម៉ូដរបស់នាងយ៉ាងខ្លាំង ។

យ៉ាងណាមិញ មួយរយៈនេះ គេបានលេចឮថា នាងកំពុងតែត្រៀមបង្ហាញខ្លួនជាតារាចម្រៀងទោល ដែលរំពឹងថានឹងមកដល់នៅខែមិថុនា ឆាប់ៗខាងមុខនេះផងដែរ ៕

ប្រភព៖ Allkpop