មនុស្សលែងនៅទៅហើយ តែរូបភាពតារាកំប្លែងរូបនេះ នៅតែធ្វើឱ្យហ្វេនរំជួលចិត្ត
នៅព្រឹកថ្ងៃទី ៣០ ខែមេសា ឆ្នាំ ២០២១ កន្លងទៅ ទស្សនិកជនអ្នកប្រើប្រាស់បណ្ដាញសង្គម ជាពិសេសអ្នកគាំទ្រវិស័យខ្សែភាពយន្តថៃ មានការតក់ស្លុត រន្ធត់ចិត្តយ៉ាងខ្លាំង បន្ទាប់ពីបានទទួលដំណឹងថា តារាសម្ដែងជើងចាស់លោក Khom Chauncheun ឬហៅ Na Khom បានទទួលមរណភាពទៅហើយដោយសារជំងឺកូវីដ-១៩ ។
កាលនៅរស់ លោក Khom Chaunchen បានបង្ហាញវត្តមានចូលរួមសម្ដែងខ្សែភាពយន្តច្រើនសឹងតែរាប់ភ្លេច ហើយខ្សែភាពយន្តដែលលោកសម្ដែង ភាគច្រើនតារាប្រុសរូបនេះ សម្ដែងជាតួអង្គបែបកំប្លុកកំប្លែងធ្វើឱ្យទស្សនិកជនផ្ទុះសំណើច សើចក្អាកក្អាយពេញផ្ទះ ហើយពេលខ្លះមិនចាំបាច់តែទស្សនាវីដេអូសម្ដែងរបស់លោក គ្រាន់តែឃើញរូបថតលែងទឹកមុខក្រមិចក្រមើមរបស់លោក ក៏អាចធ្វើឱ្យទស្សនិកជននឹកឃើញដល់ការកំប្លែងរបស់លោកបានដែរ ។
ដោយសារតែតារាសម្ដែងថៃ Khom Chaunchen ធ្លាប់បម្រើអារម្មណ៍ទស្សនិកជនអស់រយៈពេលជាច្រើនឆ្នាំ ធ្វើឱ្យមហាជនកាន់តែស្រណោះស្រណោកពេលឃើញរូបភាពច្រើនសន្លឹករបស់លោក ស្ដែងពីកាយវិការបែបកំប្លែងៗដែលស្រង់ចេញពីខ្សែភាពយន្តនានា ខណៈមនុស្សបានស្លាប់បាត់ទៅហើយ ៕
