តិចច្រឡំម៉ាក់យាយ! ស្ងាត់ៗ អ៊ីវ៉ា លេងស្ទីលថ្មីម៉ាក់យាយម្តង ផ្អើលអ្នកគាំទ្រ

ធ្លាប់តែឃើញតារាចម្រៀងរូបរាងតូចច្រឡឹង អ៊ីវ៉ា ស្លៀកពាក់បែបយុវវ័យសម័យថ្មីឃ្យូតៗ ប៉ុន្តែថ្មីៗនេះនាងបានធ្វើឱ្យហ្វេនៗស្ទើរដាច់ផ្ងារក្រោយពីឃើញនាងលេងស្ទីលតែងខ្លួនដូចម៉ាក់យាយ មើលទៅពិតជាប្លែកម្យ៉ាង ។

ជាមួយនឹងរូបភាពជាច្រើនសន្លឹករបស់តារាចម្រៀង អ៊ីវ៉ា ក្នុងសម្លៀកបំពាក់ម៉ាក់យាយនេះ បានធ្វើឱ្យហ្វេនៗជាច្រើនសរសើរថាពិតជាស័ក្តិសមខ្លាំងណាស់ ។ ឯខ្លះទៀតថា ម៉ាក់យាយអីក៏ស្អាតម៉េសនៅផ្ទះយូរពេកចេះរកនឹកឃើញប៉ិនណាស់អាយដល ។

ក្នុងនោះ អ៊ីវ៉ា បានតបទៅកាន់អ្នកគាំទ្រថា «ឃើញខោអាវយាយបត់លើតុទំនងពេកក៏សាកស្លៀកទៅឃើញថាម៉្យាង» ។ អ្វីដែលចាប់អារម្មណ៍ទោះមានឈ្មោះជាតារាចម្រៀងដែលមានប្រជាប្រិយភាពក៏ពិតមែន តែជារឿយៗ អ៊ីវ៉ា តែងរៀបចំខ្លួនបែបសាមញ្ញៗធ្វើឱ្យហ្វេនៗមានការសរសើរគ្រប់គ្នា ។

ស្របពេលអាជីពសិល្បៈត្រូវជាប់គាំងដោយសារជំងឺកូវីដ-១៩ ពេលនេះតារាចម្រៀង អ៊ីវ៉ា បានងាកមកប្រកបរបរលក់បុកល្ហុងម្តងវិញ ឃើញថាទទួលបានការគាំទ្រគួរសមពីសំណាក់អតិថិជនច្រើន ។ អ្វីដែលចាប់អារម្មណ៍ចូលប្រឡូកក្នុងសិល្បៈជាច្រើនឆ្នាំ តារាចម្រៀងប្រចាំផលិតកម្មសាន់ដេរូបនេះនៅមិនទាន់លាតត្រដាងពីរឿងស្នេហាឡើយ បើទោះកន្លងមកមានការលើកឡើងថា អ៊ីវ៉ា ក៏មានមន្តស្នេហ៍មិនធម្មតាដែរ ៕