សាមញ្ញៗមែន តែមួយឈុតៗរបស់ រ៉េត សារីតា ស្លៀកចេញមកភ្លឹងៗ ផ្ទុះការសរសើរពេញបណ្ដាញសង្គម

ចាប់តាំងតែបវរកញ្ញាខ្មែរ រ៉េត សារីតា ធ្វើដំណើរទៅប្រកួតនៅសហរដ្ឋអាមេរិកមកគេកត់សម្គាល់ឃើញថានាងទទួលបានការចាប់អារម្មណ៍ខ្លាំងពីសំណាក់មហាជនខ្មែរ និង បរទេស ជាពិសេសរាល់បណ្ដាផេកល្បីៗ និង សារព័ត៌មានធំៗតែងតែបានសរសេរអំពីនាង ដោយហេតុគេសម្លឹងឃើញថាបវរកញ្ញារូបនេះ ស័ក្តិសមតំណាងឱ្យស្រ្តីខ្មែរទៅលើឆាកអន្តរជាតិពិតមែន មិនថាសមត្ថភាពចំណេះដឹង និង រូបសម្រស់ សុទ្ធសឹងត្រូវបានអ្នកគាំទ្រអួតសរសើរ ។

យ៉ាងណាមិញ បើងាកមកមើលសកម្មភាពបវរកញ្ញា រ៉េត សារីតា នៅលើទឹកដីអាមេរិកវិញ ចាប់តាំងពីទៅដល់ភ្លាមនាងត្រូវបានបងប្អូនខ្មែរ និង អ្នកគាំទ្រជាច្រើននៅទីនោះ ទទួលស្វាគមន៍យ៉ាងកក់ក្តៅបំផុត ។

បើងាកមើលលើការតុបតែងខ្លួនវិញ កញ្ញា រ៉េត សារីតា បានយកចិត្តទុកដាក់យ៉ាងខ្លាំង ចាប់តាំងពីថ្ងៃដំបូងរហូតដល់ថ្ងៃនេះ បើទោះបីជាឈុតសម្លៀកបំពាក់សាមញ្ញាៗក្ដី ប៉ុន្តែបវរកញ្ញាខ្មែររូបនេះបែរជាទទួលបានការសរសើរខ្លាំងពីសំណាក់មហាជន មិនថាក្នុងស្រុក ឬ ក្រៅស្រុកនោះទេ សុទ្ធតែលាន់មាត់អួតបវរកញ្ញាខ្មែរ រ៉េត សារីតា ៕