អស្ចារ្យណាស់! រ៉េត សារីតា តាំងជំហរជាអ្នកចម្បាំងសម្រាប់ជោគវាសនា និង គោលដៅ
កាន់តែកៀកថ្ងៃនៃការប្រកួតវគ្គផ្តាច់ព្រ័ត Miss Universe 2020 បវរកញ្ញាតំណាឱ្យកម្ពុជា កញ្ញា រ៉េត សារីតា កាន់តែបង្កើននូវភាពជឿជាក់ ដ៏មុតមាំសម្រាប់ខ្លួននាង និង អ្នកគាំទ្រកម្ពុជាយ៉ាងពេញទំហឹង ។
តួយ៉ាង កាលពីថ្ងៃទី ០៥ ខែឧសភា ឆ្នាំ ២០២១ នេះ Miss Universe Cambodia 2020 រូបនេះ បានបង្ហាញនូវការតាំងជំហររបស់ខ្លួន ក្នុងនាមជាអ្នកចម្បាំងសម្រាប់ជោគវាសនា និង គោលដៅរបស់នាង ។ លើសពីនោះ ការការប្តេជ្ញាចិត្តឆ្ពោះទៅរកគោលដៅ និង មហិច្ឆតាតែម្តង ។
បើតាមការបង្ហោះរបស់ផេកផ្លូវការនៃស្ថាប័ន Miss Universe Cambodia បានរៀបរាប់ថា «ការគិតស៊ីជម្រៅ! ដើម្បីយកឈ្នះភាពភ័យខ្លាច និង ស្វែងរកក្តីសុបិន គឺជាការរស់នៅប្រកបដោយការប្តេជ្ញាចិត្តឆ្ពោះទៅរកគោលដៅ និង មហិច្ឆតា ។ កញ្ញា រ៉េត សារីតា បានតាំងខ្លួនជាអ្នកចម្បាំង សម្រាប់សាកល្បងជាមួយជោគវាសនា និង គោលដៅ ។ ឥលូវនេះ ពេលវេលារបស់កញ្ញាបានក្លាយជាការលើកទឹកចិត្តដល់មនុស្សជាច្រើន ។ ធ្វើជាខ្លួនអ្នក ប្រកបដោយទំនុកចិត្ត! មួយថ្ងៃទៀតនឹងឈានដល់ការប្រកួតបវរកញ្ញាចក្រវាលលើកទី ៦៩ » ៕
