ពេជ្រ ច័ន្ទធីតា រំភើបខ្លាំង ក្រោយត្រូវរៀមច្បង គង់ សុជាតិ Surprise បែបនេះ ថៃ្ងកំណើត

ដ្បិតជាសិស្សប្អូននឹងស្ថិតនៅក្នុងទ្រនំផ្សេងគ្នាក៏ពិតមែន ប៉ុន្តែសេចក្តីស្រឡាញ់ និង ការរាប់អានរបស់ពិធីការិនីរូបស្រស់ ពេជ្រ ច័ន្ទធីតា និង អ្នកនាង គង់ សុជាតិ នៅតែមាន ។ យ៉ាងណាមិញនេះ ពេជ្រ ច័ន្ទធីតា បានបង្ហាញអារម្មណ៍រីករាយជាខ្លាំងក្រោយពីទទួលបានការ Surprise នំខួបកំណើតយ៉ាងស្រស់ស្អាតពីសំណាក់អ្នកនាង គង់ សុជាតិ កាលពីថ្ងៃទី ០៥ កន្លងទៅនេះ ។

បើទោះបីមិនបានរៀបចំពិធីខួបកំណើតធំដុំដូចឆ្នាំមុនក៏ពិតមែន តែ ពេជ្រ ច័ន្ទធីតា នៅតែមានអារម្មណ៍រីករាយនៅក្នុងថ្ងៃពិសេសរបស់នាង ដែលក្រៅពីជូនពរខ្លួនឯងឱ្យជួបតែសំណាងល្ អជាពិសេសឱ្យជំងឺកូវីដ-១៩ រលាយបាត់ពីប្រទេសកម្ពុជាឆាប់ៗនោះ ពេជ្រ ច័ន្ទធីតា ក៏ទទួលបានពាក្យពេចន៍ជូនពរពីសំណាក់មិត្តភក្តិក្នុងសិល្បៈ និង អ្នកគាំទ្រជាច្រើន ។

អ្វីដែលពិសេសនោះគឺនាងទទួលបានការ Surprise នំខួបយ៉ាងស្រស់ស្អាតពីសំណាក់អ្នកនាង គង់ សុជាតិ ជារៀមច្បង ដែលធ្វើឱ្យពិធីការិនីរូបនេះកាន់់ញញឹមបិទមាត់មិនជិត ។

ជាមួយនឹងអារម្មណ៍រីករាយ ពេជ្រ ច័ន្ទធីតា បានលើកឡើងថា «អរគុណបងស្រីសំណព្វចិត្ត គង់ សុជាតិ សម្រាប់នំខេកក្នុងថ្ងៃខួបកំណើតប្អូនស្រី ។ ទឹកចិត្តដ៏ល្អប្រពៃរបស់បងគឺមិនដែលភ្លេចប្អូនៗទេ ទោះក្នុងកាលៈទេសៈណាក៏ដោយ ។ សូមឱ្យយើងទាំងអស់គ្នាជួបតែសេចក្តីសុខ និង ឆ្លងផុតគ្រាលំបាកនេះឆាប់ៗនេះផងចុះ» ។

ក្នុងនោះក៏មានការបង្ហើបពីសំណាក់មិត្តរួមអាជីពថា ក្រៅពីទទួលបានការ Surprise នំខួបពីរៀមច្បង គង់ សុជាតិ ពេជ្រ ច័ន្ទធីតា ក៏នឹងមានកាដូពិសេសពីសំណាក់ម្ចាស់ចិត្តផងដែរ ។ គួរបញ្ជាក់ផងដែរថា ឆ្នាំមុន ពេជ្រ ច័ន្ទធីតា បានរៀបចំពិធីខួបកំណើតយ៉ាងអធិកអធមដោយផ្គួបជាមួយពិធីឡើងគេហដ្ឋានថ្មីជាមួយគូស្នេហ៍ទៀតផង ៕

រូបថត ៖ ហ្វេសប៊ុក