អស់ទាស់! រាង វីរៈ និច្ច មិនថាតែបុរស សូម្បីតែនារីៗដូចគ្នាក៏ភ្លឹកភ្នែក

រយៈពេលត្រឹមប៉ុន្មានឆ្នាំចុងក្រោយ បន្ទាប់ពីបានអភិវឌ្ឍសមត្ថភាពពីតារាបង្ហាញម៉ូដ ក្លាយទៅជាតារាចម្រៀងល្បីឈ្មោះប្រចាំផលិតកម្មសាន់ដេ វីរៈ និច្ច ហាក់កាន់តែបោះជំហានយ៉ាងជោគជ័យលើវិស័យចម្រៀង និង ទទួលបានការគាំទ្រយ៉ាងសម្បើមពីសំណាក់មហាជនគ្រាប់ស្រទាប់យុវវ័យ ។

លើសពីនោះ សូម្បីតែរបររកស៊ីនៅខាងក្រៅសិល្បៈវិញក៏ វីរៈ និច្ច កាក់កបដូចគ្នាដែរ ដោយបច្ចុប្បន្ននាងគឺជាម្ចាស់ហាងលក់សម្លៀកបំពាក់ និង មានហ៊ុនក្នុងក្រុមហ៊ុនផលិតផលសម្រស់ទៀតផង ។

បើទោះជាឆ្នាំ ២០២១ នេះ តារាចម្រៀងដែលជាក្មួយស្រីរបស់លោក ខាន់ ចេមន៍ មានវ័យមិនទាន់ដល់ ២៨ ឆ្នាំក្តី តែ វីរៈ និច្ច បានក្តោបឱកាសយ៉ាងច្រើនមិនថាតែក្នុង និង ក្រៅសិល្បៈនោះឡើយ ក៏ព្រោះតែអំណោយផលទេពកោសល្យ ក៏ដូចជាសម្រស់របស់នាងថែមទៀតនោះ ។

ក្នុងនោះ បើក្រឡេកកទៅមើលសម្រស់របស់តារាចម្រៀងស្រីវ័យក្មេងរូបនេះវិញ វីរៈ និច្ច គឺមិនត្រឹមតែឆក់បានការចាប់អារម្មណ៍ពីបុរសៗនោះទេ គឺសូម្បីតែនារីៗដូចគ្នាក៏នាងទាក់ចិត្តឱ្យមកលង់នឹងនាងមិនតិចនោះឡើយ ក៏ព្រោះតែរូបរាង សម្បុរសាច់សខ្ចី ក៏ដូចជាស្ទីលនៃការតុបតែងខ្លួនរបស់នាងតែម្តង ។

ជាញឹកញាប់ វីរៈ និច្ច តែងតែបង្ហា្ញនូវរាងចង្កេះមួយក្តាប់របស់នាង ជាមួយនឹងឈុតសម្លៀកបំពាក់បញ្ចេញរន្ធផ្ចិត ក៏ដូចជាវាលខ្នងរបស់នាងដល់ចង្កេះ បានធ្វើឱ្យអ្នកលេងបណ្តាញសង្គមហ្វេសប៊ុក និង IG លើកឡើងថា វីរៈ និច្ច ពិតជាស្រស់ស្អាតទាំងព្រម និង ជាប់ឈ្មោះជាតារាស្រីវ័យក្មេងមានស្ទីល Fashion អស់ទាស់ ។

តស់! ទៅទស្សនារូបភាពស្រីស្អាតបញ្ចេញសាច់សស្កុស វីរៈ ​និច្ច ខាងក្រោម ៖