ឃើញសេដៗមានអី អ៊ួង សូរិយា ប្តូរ Relationship ផ្អើលមិត្តសិល្បករ និង អ្នកគាំទ្រ

ថ្មីៗនេះ តារាចម្រៀង Original Song ម្ចាស់បទ «នឹកអូនបានត្រឹមស្រមៃ» លោក អ៊ួង សូរិយា បានធ្វើឱ្យមិត្តក្នុង និង ក្រៅរង្វង់សិល្បៈ ព្រមទាំងអ្នកគាំទ្រហាក់ភ្ញាក់ផ្អើលយ៉ាងខ្លាំង​ បន្ទាប់ពីតារាប្រុសរូបនេះបានប្តូរដាក់ទំនាក់ទំនងជាមួយនឹងស្រីស្អាតមួយរូបនៅលើគណនីហ្វេសប៊ុក ។

មូលហេតុ ដែលធ្វើឱ្យអ្នកលេងបណ្តាញសង្គមមានការភ្ញាក់ផ្អើលត្រង់ចំណុចខាងលើនេះ ក៏ព្រោះកន្លងមកតារាចម្រៀង អ៊ួង សូរិយា តែងតែបង្ហាញអារម្មណ៍ឯកានៅលើហ្វេសប៊ុក ក៏ដូចជាបទចម្រៀងរបស់ខ្លួន តែស្ងាត់ៗលោកត្រូវបានជួបនារីក្នុងបេះដូងហើយ ។

ក្នុងការដាក់ Relationship ជាមួយនឹងស្រីស្អាតរូបនោះដែរ ក៏មានអ្នកគាំទ្រ និង មិត្តរបស់លោកខ្លះហាក់ស្រពិចស្រពិលនៅឡើយ ថាតើនេះគឺជាការពិត ឬ គ្រាន់តែជាការត្រៀមសម្តែងក្នុងបទចម្រៀងថ្មីរបស់លោក ក៏ព្រោះតែគេបានឃើញថា លោក អ៊ួង សូរិយា បានបង្ហោះរូបនារីម្នាក់នោះនៅក្នុង Album រូបថត ឈ្មោះថា «Dating Stage» ព្រមទាំងភ្ជាប់ពាក្យមួយឃ្លា «បើចាស់មិនទៅ ថ្មីក៏មិនមកដែរ» ក៏ដូចជា Link គណនី Youtube របស់លោក ។

យ៉ាងណាក៏ដោយ បើទោះជាមានអ្នកគិតថាជាការពិត ឬ គ្រាន់ជាការសម្តែងក្តី មហាជនអ្នកគាំទ្រ និង មិត្តភក្តិ ក៏បានជូនពរ និង អបអរដល់លោក អ៊ួង សូរិយា ផងដែរ ៕