ផ្អើលហ្វេសប៊ុក ធ្លាយវីដេអូឧកញ៉ា លាន អាហ្វ្រីលគីនីន ឈ្លោះគ្នាតឹងសរសៃ-កនឹងបុរសម្នាក់ រហូតជេរប្រទិចគ្នា (វីដេអូ)

ថ្មីៗនេះ មហាជនអ្នកលេងបណ្តាញសង្គមហ្វេសប៊ុកហាក់ចាប់អារម្មណ៍យ៉ាងខ្លាំងនូវវីដេអូមួយដែលបានចែករំលែកតៗគ្នា ពីជម្លោះរវាងអតីតតារាចម្រៀង និង ពិធីករ លាន អាហ្វ្រីលគីនីន ដែលទើបមានងារជាឧកញ៉ា ជាមួយពលរដ្ឋពាក់ព័ន្ធនឹងផ្លូវធ្វើដំណើរ ។

ក្នុងវីដេអូប្រមាណជា ៤០ វិនាទី ដែលបានចែកចាយលើបណ្តាញសង្គមហ្វេសប៊ុកនោះ បើតាមការរៀបរាប់ពីបុរសដែលមានជម្លោះជាមួយនឹងលោកឧកញ៉ា លាន អាហ្វ្រីលគីនីន បាននិយាយថា អតីតតារាប្រុសរូបនេះ បានបិទផ្លូវមួយកន្លែង ហើយភ្លាមៗនោះស្រាប់អតីតតារាប្រុសរូបនេះ ក៏បានឆ្លើយតបវិញដោយការជេរប្រទិចផងដែរ ។

វីដេអូនោះដែរ​ បើទោះជាហាក់មិនទាន់បានបញ្ជាក់ពីដើមហេតុឱ្យបានច្បាស់លាស់ក្តី ប៉ុន្តែក៏បានធ្វើឱ្យមហាជនអ្នកលេងបណ្តាញសង្គមហ្វេសប៊ុកហាក់មិនពេញចិត្តដល់អតីតតារាប្រុស​ លាន អាហ្វ្រីលគីនីន ។ ទោះជាយ៉ាងណា រឿងរ៉ាវដំបូងយ៉ាងណាសង្ឃឹមថានឹងមានការបកស្រាយពីលោកផងដែរ ៕