ទើបដឹង! ការពិតពិធីការិនី Jane ដ៏ស្រស់ស្អាត គឺជាកូនស្រីច្បងរបស់នាយ ចាបចៀន

មហាជនគាំទ្រតារាចម្រៀងជើងចាស់ល្បីឈ្មោះ នាយ ចាបចៀន ប្រាកដជាបានស្គាល់មកហើយពីស្នាដៃកេរ្តិ៍ឈ្មោះនៅក្នុងវិថីសិល្បៈរបស់លោកមិនខាន ដោយនាយមិនត្រឹមតែផ្តល់ជូនសំណើចសើចក្អាកក្អាយតែម្យ៉ាងប៉ុណ្ណោះ ប៉ុន្តែលោកក៏ជាសិល្បកររៀមច្បងដែលជាគំរូល្អជាច្រើនដល់អ្នកសិល្បៈជំនាន់ក្រោយផងដែរ ។

ក្រោយពីរៀបការសាងគ្រួសារជាច្រើនឆ្នាំហើយនោះ តារាកំប្លែងជើងចាស់រូបនេះ ទទួលបានចំណងដៃកូនស្រី ២ នាក់ និង កូនប្រុស ១ នាក់មកហើយដែរ ដោយក្នុងនោះលោកមានកូនស្រីច្បង មានដុងសិល្បៈដូចលោក ដែលកំពុងតែបោះជំហានទទួលបានប្រជាប្រិយភាពខ្លាំងសម្រាប់យុវវ័យ ។

កូនស្រីច្បងរបស់តារាកំប្លែង នាយ​ ចាបចៀន មានឈ្មោះ អ៊ុក រិទ្ធីនាថ ដែលនៅក្នុងវិស័យសិល្បៈត្រូវបានអ្នកគាំទ្រស្គាល់ឈ្មោះ ជេន ។ បច្ចុប្បន្នសិល្បការិនីវ័យ ២០ ឆ្នាំ គឺជាពិធីការិនីក្នុងកម្មវិធីយុវវ័យជាច្រើនរបស់ស្ថានីយ៍ទូរទស្សន៍ MY TV ។

គួរឱ្យដឹងថា ពិធីការិនី ជេន កំពុងតែឆក់យកអារម្មណ៍យុវវ័យមិនតិចនោះឡើយ ពីការងារជាពិធីការិនីរបស់នាង លើសពីនោះតារាស្រីកូនច្បងនាយ ចាបចៀន រូបនេះ ក៏ជា Vlogger ទទួលបានអ្នកតាមដានក៏មិនតិចនោះដែរ ។ រីឯ ចំណេះដឹងវិញ ជេន ក៏មានជំនាញនិយាយភាសាអង់គ្លេសយ៉ាងស្ទាត់ជំនាញទៀតផង ៕